Mark 5:23 - De Beebaa Dabu

²³ ga dangidangi ange, ga hai ange, “Dagu damaa hine gu dai magau. Aude haihaia, humai dugua ange doo lima gi ono elunga gi ieiangi ai ia ma de mouli.”

Mark 5:23 Iomraidhean Croise

2 Kings 5:11

Aagai Naaman ga hano gee i kilaa gu kona donu dono lili, ga hagadaba, “Tilo, au ne maanadu bolo ia e sao mai naa gi ogu daha, ga duu ga hagahi Iahweh dono Maadua, ma de daodaohi age luoono lima gi honga ogu maanuga ga hagaieiangi ai ogu lebelaa.

Psalm 107:19

Gai gilaadeu ne tangi ange gi Tagi Maolunga i delaadeu hai ngadaa, gai ia ga hagaola gilaadeu mai i olaadeu duasala.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Matthew 8:3

Gai ia ga haalo dono lima ga poo ange ia, ga hai ange. “Au e lodo, koe gu gilimalali!” De masavaa laa donu huu gai taane laa gu ieiangi.

Mark 16:18

gilaadeu e booboo naa denga labodo hagammau, ma de unu mee hagammau, gai mee nei e dee maua donu i de hagammae gilaadeu; gilaadeu e dugu ange naa olaadeu lima gi honga o denga magi, gai gilaadeu e ieiangi donu.”

Mark 5:24

Gai Iesu ga hano madali taane laa. Gai ne soa dangada ne daudali ange i de ia ma de hagakabi ia.

Mark 6:13

Gai gilaadeu ne hai gi hulo gee denga hagasaalunga baubau soa, ma de hagasulu denga magi soa i de lolo ga hagaieiangi gilaadeu.

Mark 7:32

Gai hanu dangada ne gaamai gi de ia dahi daane longoduli ma de lau dono alelo, ga dangidangi ange ia gi dugua ange dono lima gi ono elunga.

Mark 8:23

Gai ia ga poo de lima o taane dee gide laa ga dagi ia gi tua de aduhale. Gai ia ga saavale ange gi luoono mada ma de dugu ange dono lima gi ono elunga, ga ssili ange gi de ia, “Gu hanu naa au mee ne gidee?”

Luke 13:13

Aagai Iesu ga dugu ange luoono lima gi ono elunga, gai de hine laa gu maua i de duu gi soe gi lunga, aagai ia ga tuhi de Maadua.

Luke 4:38

Gai Iesu ne hano gee mai i synagogue ga hano gi de hale o Simon. De masavaa laa gai ssaulaba o Simon e magi gai dono angaanga e vvela mmao, gai dangada ne dangidangi ange gi Iesu ia gi balea ange de hine laa.

Luke 4:40

Gai ga dai danu huu de laa, gai dangada alodahi e hanu olaadeu dangada e mmagi i denga hagadaagangaa magi ga gaamai gilaadeu gi Iesu, gai ia ga dugu ange dono lima gi olaadeu elunga ga hagaieiangi gilaadeu.

Luke 7:12

Gai ga dae huu Iesu gi de haitoga o de aduhale laa, gai ia gu gidee dangada soa e saabai dahi daane magau e kave e danu, gai se dama dagidahi nii dahi hahine gu magau dono bodu. Gai e soa hogi dangada mai i de aduhale ne loomai madali de hine laa.

John 11:3

Gai de hai daina haahine laa ne hai dahi dangada gi hano gi daho Iesu, gi hai ange, “Tagi Maolunga, taane oou e aloha ai laa gu magi.”

Acts 28:8

De masavaa laa gai tamana o Publius e vvela dono angaanga ma de hanohano. Gai a Paul ne hano gi ono daha, gai dua dono dalodalo, ga dugu luoono lima gi ono elunga, gai ia gu ieiangi.

Acts 6:6

Gai gilaadeu ne gaamai denga daane laa gi daho de gau tala, gai gilaadeu ga dalodalo ma de dugu ange olaadeu lima gi olaadeu elunga.

Acts 8:17

Gai de masavaa huu a Peter ma John ne dugu ange ai olaau lima gi olaadeu elunga, gai gilaadeu gu kave hogi de Hagasaalunga Dabu.

Acts 9:12

Gai ia gu gidee i de midi hagaago ange, bolo taane dono ingoo laa go Ananias ne humai ga dugu ange luoono lima gi ono elunga gi gide ai ia.”

Acts 9:17

Aagai Ananias ne hano ga ulu i de hale laa ga dugu ange luoono lima gi honga o Saul, ga hai ange, “Dogu daina go Saul, Tagi Maolunga, go Iesu ne hakide adu laa gi de goe i honga de haiava, ia ne hai au gi humai gi gide ai goe ma de hhao gi honu i de Hagasaalunga Dabu.”