Mark 5:15 - De Beebaa Dabu

¹⁵ Gai ga tae mai huu gilaadeu gi daho Iesu, gai gilaadeu gu gidee taane nogo iai laa denga hagasaalunga baubau soa, gu gahu ma e noho ai i kilaa ia gu dee senga; gai gilaadeu gu maatagu.

Mark 5:15 Iomraidhean Croise

1 Chronicles 13:12

Gai David gu madagu i de Maadua i de laangi laa, ga hagadaba, “Dee hee dagu hai e kave ai de ngavesi a de Maadua gi dogu hale?”

1 Chronicles 15:13

Go hiidinga goodou tee hagauda de ngavesi laa i de hanonga i taamada, deelaa ai, Tagi Maolunga taadeu Maadua ne bole ga hai baasi mai gi gidaadeu. Gidaadeu tee ssili hogi i ono daha dono hai e hai ai.”

De Beebaa go Job 13:11

Dono mahamaha e dee hai naa ga maatagu goodou? Dono hagamadagu e dee hano iho naa gi oodou elunga?

Psalm 14:5

Aagai gilaadeu e maatagu mmao, go hiidinga Tagi Maolunga e madali gilaadeu e heohi.

Matthew 12:29

Dee hee de hai a dahi e maua ai i de ulu i de hale o tangada mmahi e kave ai ono goloa, noo ia e dee nnoa i mua tangada mmahi laa? Gai ia ga maua i de gaiaa goloa i dono hale.

Matthew 26:53

Koe e hagadaba bolo au e dee maua i de dangidangi ange gi dogu Damana, gai ia ga hai gi loomai iainei donu, dahi hagabuulingaa dangada de langi, e soa ange laa i de madaangahulu ma lua hagabuulinga hebagi?

Matthew 4:24

Gai ono longo gu dele i Syria alodahi, gai dangada ga gaamai gi ono daha dangada iai denga hagadaagangaa magi alodahi, ma gilaadeu e duasala i de mmae, ma gilaadeu iai denga hagasaalunga baubau, ma gilaadeu e llele age, ma gilaadeu e baagia, gai ia ga hagaieiangi gilaadeu.

Matthew 9:33

Gai ga hano gee huu de hagasaalunga baubau mai i daho taane laa, gai ia gu basa; gai dangada alodahi gu llele mouli ga hagataba, “Tigi ai donu mee bee nei ne gidee i magavaa o de gau Israel.”

Mark 5:14

Gai dangada e diiloo ange laa denga biigi ga saavini ga hulo gi lo te aduhale, ma mommee i tua de aduhale ga tala mee gu hai laa. Gai dangada ga loomai e tilo mee gu hai laa i kilaa.

Mark 5:16

Gai dangada ne gidee mee laa ne hagadele longo o mee gu hai ange laa gi taane iai laa denga hagasaalunga baubau, ma dagodo o denga biigi laa.

Mark 5:18

Gai de masavaa o Iesu ne gage ai i de boose, gai taane nogo iai laa denga hagasaalunga baubau ga dangidangi ange, bolo ia e hano madali ia.

Mark 5:4

go hiidinga gu dee modu donu de nnoa a dangada ia i daula baalanga, gai ia ga duuduu denga daula laa ga tili ma de oha baalanga e nnoa ai laa ia. Gai gu deai donu se dangada mmahi e maua i de nnoa ia.

Mark 5:9

Iesu ne ssili ange hogi gi de ia, “Goai doo ingoo?” Taane laa ne hai ange gi de ia, “Dogu ingoo go Legion, go hiidinga gimaadeu e soa!”

Luke 10:39

Gai Martha e dahi ono daina hahine, dono ingoo go Mary. Mary ne humai ga noho i gaogao luu vae o Tagi Maolunga ga hagallongo ai ana agoago.

Luke 8:27

Gai de masavaa o Iesu ne hanage ai gi uda, gai ia gu hedae ange gi dahi daane iai denga hagasaalunga baubau mai i de aduhale. Gai gu daulooloa dono dee gahu aama tee noho i lodo hale, aagai e noho i magavaa denga daanunga.

Colossians 1:13

Ia ne hagaola gidaadeu mai i lalo ssauaa o de gohu ma gu hagaulu gidaadeu i de nohoanga hodooligi o dana Dama Daane hagamogomogo,

2 Timothy 1:7

go hiidinga de Maadua tee gaamai gi gidaadeu de hagasaalunga o de madagu, aagai go de hagasaalunga iai ssauaa ma de aloha, aama de maanetonu.

1 Samuel 16:4

Gai Samuel ne hagassula muna a Tagi Maolunga. Ia ne hano ga dae gi Bethlehem, gai dagi o de aduhale gu maatagu mmao, i de masavaa olaadeu ne loomai ai ga hedae ange gi de ia. Gai gilaadeu ga ssili ange, “Koe ne humai naa i hiidinga o de nnoho paba?”