Mark 4:38 - De Beebaa Dabu

³⁸ Aagai Iesu e ulunga i dahi ulunga ma e seni ai i muli moni. Gai ana dangada agoago ne loomai ga hhango ange ia, ga hai ange, “Tangada Agoago, koe e dee anga ange naa donu gi taadeu dai maakau?”

Mark 4:38 Iomraidhean Croise

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Isaiah 64:12

Tagi Maolunga, koe e noho naa donu huu ga dee muu i dua mee nei alodahi? E aha, koe ga noho naa donu huu e dee muu, ma de hai gi kii ange demaadeu duasala?

Lamentations 3:8

Au ne dalodalo ma de dangidangi i de bale, gai ia tee hagallongo dagu dalodalo.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Matthew 8:25

Gai ana dangada agoago ga loomai ga hhango ia, ga hai ange, “De Ia Aamua, hagaola ina gidaadeu, gidaadeu ga maakau nei.”

Mark 4:37

Gai gu ssau mai de madangi mmahi, gai delaadeu boose gu dai abulu i de haohao ina mai i denga beau.

Mark 4:39

Gai ia ga alahage ga hagasee de madangi ma de beau, ga hai ange, “Gi sili de madangi, gai gi malino honga de vai!” Gai gu sili de madangi, gai gu malino mmao.

Luke 8:24

Gai ana dangada agoago ga loomai ga hhango ange ia, ga hai ange, “Tangada Aamua, Tangada Aamua! Gidaadeu ga maakau nei!” Aagai Iesu ga alahage ga hagasee de madangi mmahi ma denga beau; gai gu malino.

John 4:6

Gai dahi vai geli a Jacob i kilaa, gai Iesu gu dalea i dono seesee mai, gai ia ne noho i gaogao de vai geli laa. Gai gu dai daa tuele i de masavaa laa.

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

1 Peter 5:7

Gaavange mee alodahi oodou e manavasaa ai ia gi hagauda ina, i hiidinga ia e tilo danuaa adu goodou.