Mark 4:32 - De Beebaa Dabu

³² Gai de masavaa huu ne doo ai ga somo, gai gu laumalie ange i denga manu ssomo hugadoo i lo te veelenga laa, ono laa gu nnui, gai denga manu llele gu loomai ga hai olaadeu hoohanga i lalo dono malu.”

Mark 4:32 Iomraidhean Croise

Psalm 104:12

Denga manu llele gu hai olaadeu hoohanga i gaogao denga vai, gai gilaadeu e koo i magavaa laa o denga manu ssomo.

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

Proverbs 4:18

Aagai de haiava o tangada heohi e bei de maalama o taiao, e hagadagadaga ange laa de maalama ga dae ai gi de duu donu o de laa.

Song of Songs 2:3

Dogu dau soa i magavaa o denga dama daane, e bei de apple i magavaa o denga manu ssomo o lodo henua. Au e malangilangi i de noho i lalo dono malu, gai au e hiigai ina ono hua.

Isaiah 11:9

Gai e deai naa donu se hagammae aabe go de oha i honga dogu mounga dabu alodahi, go hiidinga henua i lalo e honu naa i de iloo mee o Tagi Maolunga, bei de honu o tai i denga lausedi.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.

Ezekiel 17:23

Gai au e kave naa ga doo i honga de mounga maolunga o Israel, gai e somo naa ga lagolago ono laa ma ono hua gai, gai e somo naa ga se cedar danuaa, gai denga hagadaagangaa manu llele alodahi e loomai naa ga hai olaadeu hoohanga i honga ono laa, ma de hagalilo i ono lalo.

Matthew 13:32

De golee laa e damaa mee ange i denga golee alodahi, aagai de masavaa huu ne somo age ai, gai gu laumalie ange i denga manu ssomo ange laa, gai denga manu llele ga loomai ga hai olaadeu hoohanga i honga ono laa.”

Mark 4:31

E bei dagodo o de golee o de mustard e doo ange laa gi lo te gelegele, gai e damaa mee ange i denga golee i honga de gelegele.

Mark 4:33

Gai ne lagolago mee hagasengasenga bee nei a Iesu ne agoago ange ai dangada, go de hai olaadeu e tonu ange ai.