Mark 4:31 - De Beebaa Dabu

³¹ E bei dagodo o de golee o de mustard e doo ange laa gi lo te gelegele, gai e damaa mee ange i denga golee i honga de gelegele.

Mark 4:31 Iomraidhean Croise

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Isaiah 53:2

Ia ne somo age i mada luu mada o Tagi Maolunga bei de uli o dahi manu somo, gai e bei de aga o dahi manu e somo laa i lo te gelegele e deai vai iai. Ia e deai donu sono mahamaha aabe se hagadubu e haia gi llodo gidaadeu e tilo ia, e deai hogi se mahamaha o dono angaanga e haia gi llodo gidaadeu i de ia.

Isaiah 60:22

Dangada hugadoo e sogoisi i goodou e hai naa ga se aamuli soa, gai de hagabuulinga damaa mee hugadoo e hai naa ga se huaahenua soa. Go au donu go Iahweh, au e hai gi moolau de hai mee nei i de masavaa gu hagamodu.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Zechariah 12:8

De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Mark 4:30

Gai ia ga hai ange, “Se aha adaadeu e hagadagodo ange aagena de nohoanga hodooligi o de Maadua? Gai se aha adaadeu e hagasengasenga ange aagena ono dagodo?

Mark 4:32

Gai de masavaa huu ne doo ai ga somo, gai gu laumalie ange i denga manu ssomo hugadoo i lo te veelenga laa, ono laa gu nnui, gai denga manu llele gu loomai ga hai olaadeu hoohanga i lalo dono malu.”

Luke 17:6

Gai Tagi Maolunga ne hai ange, “Gai ga vaaligiligi naa donu oodou kai bei de golee o de mustard, gai goodou e maua i de hai ange gi de manu somo go de mulberry, ‘Ngalue gee mai i doo duulanga ga tili gi de moana,’ gai e hai naa donu ga bei oodou muna.

Acts 19:20

Deelaa ai, muna a Tagi Maolunga gu ssula danuaa ma de hagadagadaga age i kilaa.

Acts 2:41

Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.

Acts 21:20

Gai ga langona huu e gilaadeu de mee laa, gai gilaadeu ga tuhi de Maadua. Gai gilaadeu ga hai ange gi Paul: “Taina, koe e gidee bolo gu soa de gau Ssuu ne hagadonusia, gai gilaadeu alodahi e mmahi hogi i de daohi denga hainga.

Acts 4:4

Aagai gu soa donu dangada ne langona laa alaau muna gu hagadonusia, agu made se limamano taelodo o dangada alodahi.

Acts 5:14

Gai gu kii ange hogi de soa daane ma haahine gu hagadonusia Tagi Maolunga.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”