Mark 4:24 - De Beebaa Dabu

²⁴ Ia ne hai ange hogi gi gilaadeu, “Goodou kana ange daohia oodou mee gu langona; de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou, gai e hai naa donu ga lagolago ange.

Mark 4:24 Iomraidhean Croise

Proverbs 19:27

Dagu dama, noo koe e dee hagallongo ange gi denga agoago heohi, gai koe e hano gee naa i muna o de iloo mee.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Jeremiah 17:21

E hagadaba Tagi Maolunga: Goodou diiloo gi dee sabaia mai e goodou hanu mee i de laangi o Sabbath gi gaamai laa lodo haitoga o Jerusalem.

Matthew 7:2

Go hiidinga goodou e hagamodu naa hogi oodou muna, bei doodou hai ne hagamodu ai muna o de gau ange laa, gai de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.

Mark 9:7

Gai dahi giliiga gu hano iho ga haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo; goodou hagalaangona ana muna!”

Luke 8:18

Deenei ai, goodou diiloo maalie doodou hai e hagallongo ai; go hiidinga be goai e hanu ana mee, e gaavange naa donu gi de ia; gai be goai e deai ana mee, gai e kave gee donu mee aana e hagadaba bolo e hanu i ono daha.”

John 10:16

E hanu ange donu agu ssiibi, e dee nnoho i lo te buibui nei. Aagai au e gaamai naa donu hogi gilaadeu. Gilaadeu e hagallongo naa hogi dogu leo, gai gi dahi ai donu huu hagabuulingaa ssiibi, gai e dahi dangada hagaloosi.

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

John 5:25

Ni muna abodonu, ni muna abodonu aagu e hai adu nei gi goodou, gu dae mai donu de aoaa a de gau maakau e langona ai de leo o Tama Daane a de Maadua; gai gilaadeu alodahi e langona e mouli age naa.

Acts 17:11

Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai.

2 Corinthians 9:6

Deenei tagodo: tangada e sogoisi ana mee e doo, e sogoisi naa hogi ana mee e hagihagi, gai tangada e lagolago ana mee e doo, e lagolago naa hogi ana mee e hagihagi.

Hebrews 2:1

Deenei ai, gidaadeu ga kana ange e hai hegau i mee adaadeu gu langona, kana daahuli gee gidaadeu i mee nei.

1 Peter 2:2

Goodou gi bei dagodo o denga gaagaa, e llodo laa i vai uu o de baasi gi de hagasaalunga e dee hilo laa i hanu mee gee, gi maatua abodonu ai goodou ma de hagamouli,

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.