Mark 4:16 - De Beebaa Dabu

¹⁶ Hanu e bei denga golee e doo ange laa gi honga mommee haduhadua, gilaadeu ne hagamoolau donu ga kave muna laa i de malangilangi, i de masavaa alaadeu ne langona ai.

Mark 4:16 Iomraidhean Croise

Matthew 13:5

Hanu ne too ange gi honga de mommee haduhadua, se mommee e dee maadolu de gelegele iai. Gai golee laa ne moolau donu de ssomo age, go hiidinga e daballahi de gelegele i kilaa.

Mark 4:15

Hanu dangada e bei dagodo o denga golee e too ange laa gi gaogao de haiava. De masavaa alaadeu ne langona ai muna a de Maadua, gai ne moolau donu de humai o Satan ga kave gee muna gu doo ange laa gi olaadeu lodo.

Mark 4:17

Aagai e deai donu olaadeu aga, deelaa ai, gilaadeu tee daulooloa donu. Gai de masavaa huu ne tae mai ai denga hai ngadaa ma de vaivai haia o dangada, i hiidinga o muna nei, gai gilaadeu ne moolau donu de aahe dua.

Mark 6:20

go hiidinga hogi Herod ne madagu i a John ma de lodo e buibui ia. Ia gu iloo bolo a John se daane heohi ma de dabu. Gai de masavaa a Herod ne langona ai agoago a John, gai ia e tee donu ange aagena, aagai ia ne malangilangi donu i de hagallongo ana agoago.

Luke 8:13

Aagai golee ne too ange laa gi de mommee haduhadua, go dangada e malangilangi laa i de kave muna a de Maadua, i de masavaa alaadeu ne langona ai, aagai e deai olaadeu aga. Gilaadeu ne hagadonusia i dahi damaa masavaa, aagai de masavaa huu o denga hagatale, gai gilaadeu gu aahe dua.

John 5:35

A John e bei de laama ula e hagamaalama ai laa, gai goodou ne malangilangi i dono maalama i dahi damaa masavaa.

Acts 26:28

Gai Agrippa ga hai ange gi a Paul, “E momo ange huu koe gu hai au gi se Christian, i dahi masavaa bodobodo donu huu!”

Acts 8:13

Taane go Simon gu hagadonusia hogi; gai ia gu babudaisi, muli mai gai ia gu hano saele madali a Philip. Gai ia ne lele hogi ono mouli i dana gide denga sauaa ma mee hagalele mouli gu hai laa.