Mark 4:11 - De Beebaa Dabu

¹¹ Gai ia ga hai ange gi gilaadeu, “Gu dugu adu gi goodou de maua i de tonu ange, gi mee o de nohoanga hodooligi o de Maadua, e dee iloo laa. Aagai e tala ange donu huu gi gilaadeu i tua i muna hagasengasenga,

Mark 4:11 Iomraidhean Croise

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Matthew 13:16

Gai goodou gu manuuia, go hiidinga oodou ganomada e gidee gai oodou dalinga e langona!

Matthew 16:17

Iesu ne hai ange gi de ia, “Simon tama daane a Jonah, koe gu manuuia! Go hiidinga e dee go dangada ne hagaagona adu mee nei gi de goe, aagai go dogu Damana i de langi laa.

Mark 3:23

Gai Iesu ne hagahi dangada ga agoago ange gilaadeu i mee hagasengasenga, ga hai ange, “Dee hee de hai a Satan e maua ai i de hai gi hano gee Satan?

Mark 4:10

Gai de masavaa huu ne deai ai dangada, gai tinoangahulu ma dogolua ma dangada ange laa ne ssili ange gi de ia de hagadoonunga o de mee hagasengasenga laa.

Mark 4:2

Gai Iesu ne agoago ange gilaadeu i mee lagolago i muna hagasengasenga, ga hai ange,

Luke 8:10

Ia ne hai ange, “Gu dugu adu gi goodou gi maua i de tonu ange, gi mee o de nohoanga hodooligi o de Maadua e dee iloo laa, aagai e tala ange donu huu gi dangada ange laa i muna hagasengasenga; ‘gi gidee ai e gilaadeu gai e dee madea, gai gi langona ai e gilaadeu gai e dee tonu ange aagena.’

1 Corinthians 4:7

Gai goai ne haia goodou gi dagodo gee ma tangada ange laa? Gai ni aha i oodou daha e dee ni mee ne ngadi gaavadu gi goodou? Gai noo ni mee ne ngadi gaavadu, gai gu aha goodou gu pasa hagassoenga ai naa, e dagodo be e dee ni mee ne ngadi gaavadu gi goodou?

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

Colossians 4:5

Goodou gi heiangi i doodou hai e ngalungaalue ange ai gi de gau tua de mee; gai gi dee moumou ina oodou masavaa gai gi hai hegau ai.

1 Thessalonians 4:12

Noo goodou e hai mee nei, gai goodou e hagadubulia ai naa i daho olaadeu e dee hagadonusia, aagai goodou e dee duasala hogi i dahi mee.

1 Timothy 3:7

Ia gi se dangada hogi e hagadubulia i daho de gau tua de mee, gi dee hagadogaa ina ai ia, gai ia gu doo ange gi lo te sele a de ia hagabaubau laa.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.