Mark 2:8 - De Beebaa Dabu

⁸ De masavaa laa donu huu gai Iesu gu iloo e ia alaadeu maanadu, gai ia ga hai ange gi gilaadeu, “Gu aha goodou gu maanadu ai naa mee naa i oodou lodo?

Mark 2:8 Iomraidhean Croise

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

Psalm 139:2

Koe e iloo dogu noho gi lalo ma dogu hidi age; koe e donu ange gi agu maanadu e dee galemu dogu mmao gee.

Proverbs 15:26

Tagi Maolunga e kino i maanadu a tangada baubau, aagai ia e malangilangi i muna alaadeu e gilimalali.

Proverbs 24:9

Hagatau a tangada lodo senga e haisala, gai dangada e kino i tangada doo mee.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Ezekiel 38:10

E hagadaba de Ia Aamua go Iahweh: De laangi laa gai koe e maanadu naa de hai dahi hegau baubau,

Matthew 12:15

Iesu ne iloo e ia de mee nei, gai ia ga hano gee mai i kilaa, aagai ne soa dangada ne daudali ange i de ia. Aagai ia ga hagaieiangi denga magi alodahi.

Matthew 16:7

Gai gilaadeu ne pasa i olaadeu magavaa ga hagataba, “Go hiidinga gidaadeu ne ngalo i de gaamai hanu pelaoaa.”

Matthew 9:4

Aagai Iesu gu iloo e ia alaadeu maanadu, gai ia ga hai ange, “Gu aha goodou gu maanadu baubau ai naa i oodou lodo?

Mark 2:7

“Gu aha taane nei gu basa ai nei bee nei? Ia e hagangadi mee de Maadua! Goai e maua i de degi ange gi haisala, e dee go de Maadua donu huu?”

Mark 2:9

Dee hee de mee e hai ngaohie: go de hai ange gi taane balagelage nei, ‘Gu maatala oo haisala,’ aabe go de hai ange, ‘Hidi age sabaia doo moenga ga seesee ai ga hano’?

Mark 7:21

Go hiidinga mee e ssao mai i lodo o tangada, go denga maanadu baubau, ma de hai be se manu, ma de gaiaa, ma de daa tangada gi magau, ma de gaiaa de bodu o tangada,

Luke 24:38

Gai Iesu ga hai ange gi gilaadeu, “Gu aha gu maatagu ai naa goodou? Aagai gu aha gu lodo lagolago ai naa goodou?

Luke 5:22

Gai Iesu gu iloo e ia alaadeu maanadu, gai ia ga ssili ange gi gilaadeu, “Gu aha goodou gu maanadu ai naa bee naa i oodou lodo?

Luke 6:8

Aagai Iesu gu iloo e ia alaadeu maanadu, gai ia ga hai ange gi taane magau de lima, “Hidi age duu i magavaa o dangada.” Gai taane laa ga hidi age ga duu gi lunga i kilaa.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

John 6:64

Aagai e hanu goodou e dee hagadonusia.” Gai Iesu gu iloo huu e ia mai i taamada age be goai gilaadeu e dee hagadonusia, gai goai e gaavange ia.

Acts 5:3

Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa?

Acts 8:22

Deenei ai, koe gi dahuli oo lodo ma gi hano gee mai i oo baubau, ga dalodalo ange gi Tagi Maolunga, kana adu ia e degi adu gi maanadu dee heohi i oo lodo naa.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.