Mark 2:26 - De Beebaa Dabu

²⁶ Ia ne ulu i de hale o de Maadua i de masavaa o tangada haimeedabu maolunga go Abiathar, ga gai ai denga pelaoaa dabu, gai ni mee e dee alaange i de gai a dangada, go de gau haimeedabu donu huu, gai ia ne gaavange hogi hanu ga gai ono daane.”

Mark 2:26 Iomraidhean Croise

2 Samuel 15:24

Gai Zadok ne hano hogi madali ia, ma de aamuli o Levi alodahi ne saabai laa de ngavesi o de hagatoo donu hagaheloongoi a de Maadua. Gai gilaadeu ne dugu iho de ngavesi a de Maadua, gai Abiathar ga hai denga sigidaumaha ga dae ai gi de odi dangada i de hulo gee mai i de aduhale.

2 Samuel 15:29

Gai Zadok ma Abiathar ne aahe ga hagaahe de ngavesi a de Maadua gi Jerusalem ga nnoho ai i kilaa.

2 Samuel 15:35

Gai luu dangada haimeedabu go Zadok ma Abiathar e nnoho hogi i kilaa. Gai mee alodahi aau e langona i de hale o de hodooligi, gai koe daalaa ange gi luu dangada haimeedabu go Zadok ma Abiathar.

2 Samuel 20:25

Sheva go tangada sisi; Zadok ma Abiathar go luu dangada haimeedabu;

2 Samuel 8:17

Zadok, tama daane a Ahitub, ma Ahimelek, tama daane a Abiathar, go luu dangada haimeedabu; gai Seraiah go tangada sisi;

1 Kings 1:7

Gai ia ne madaangudu ange gi Joab, tama daane a Zeruiah, ma tangada haimeedabu go Abiathar. Gai gilaau ne hagabuni ange ma de bale ange ia.

1 Kings 2:22

Gai de hodooligi go Solomon ga ssili ange gi dono dinana, “Gu aha gu dangidangi mai ai donu huu goe au gi gaavange Abishag, de hine Shunem gi Adonijah? Gai gu aha gu dee dangidangi mai ai hogi goe i de nohoanga hodooligi? I hiidinga go ia donu dogu daina madua, gai au ga gaavange gi de ia; gai tangada haimeedabu go Abiathar, ma Joab, tama daane a Zeruiah, e buni ange donu gi de ia!”

1 Kings 4:4

Benaiah, tama daane a Jehoiada — tagi o denga daane hebagi; Zadok ma Abiathar — luu dangada haimeedabu;

1 Chronicles 24:6

Gai tangada sisi go Shemaiah, tama daane a Nethanel, ia se hagadiilinga niio Levi, ia ne sisi ga daohi olaadeu ingoo i mada i mua o de hodooligi, ma dagi o de henua — tangada haimeedabu go Zadok, ma Ahimelek tama daane a Abiathar, aama dagi o denga huaabodu o de gau haimeedabu ma de aamuli o Levi — dahi mai i de hagadiilinga o Eleazar, gai e dahi mai de hagadiilinga o Ithamar.

Matthew 12:4

Ia ne ulu i de hale o de Maadua ga gai ai denga pelaoaa dabu, ni mee e dee alaange dana gai aabe go ono daane madali ia, aagai go de gau haimeedabu donu huu.

Mark 2:25

Iesu ne hai ange gi gilaadeu, “Goodou tigi daulia ange naa donu mee a David ne hai laa, i de masavaa olaadeu ma denga daane madali ia ne hiikai ai?

1 Samuel 21:1

David ne hano gi daho tangada haimeedabu go Ahimelek i Nob. Gai Ahimelek gu madagu i de masavaa oona ne hedae ange ai gi David, ga ssili ange gi de ia, “Gu aha go koe ai naa donu huu ne humai? Gai gu aha gu deai ange ai naa dangada madali goe?”

1 Samuel 23:6

De masavaa o Abiathar, tama daane a Ahimelek, ne savini mai ai e mmuni i daho David i Keilah, gai ia ne gaamai dahi ephod madali ia.

1 Samuel 23:9

Gai David gu iloo bolo a Saul gu hagadabena e hebagi ange ai gi de ia. Gai ia ga hai ange gi Abiathar, tangada haimeedabu, “Gaamai de ephod gi kinei.”