Mark 2:24 - De Beebaa Dabu

²⁴ Gai denga Pharisee ga ssili ange gi de ia, “Gu aha au dangada agoago gu hai ai naa mee e dee alaange de hai i de laangi o Sabbath?”

Mark 2:24 Iomraidhean Croise

Exodus 20:10

aagai de hidu laangi go Sabbath a Tagi Maolunga doo Maadua, aude haia ai dahi hegau daudahi, go koe ma dau dama daane, ma dau damaa hine, ma doo daane hai hegau, ma doo hahine hai hegau, ma au manu, aama tangada henua gee e nnoho i oo daha.

Exodus 31:15

E ono laangi e hai ai hegau, aagai de hidu laangi go Sabbath, se laangi hagammabu, ma de hagadabu ange gi Tagi Maolunga; be goai e haia hanu hegau i de laangi o Sabbath e daa donu gi magau.

Isaiah 56:2

E manuuia tangada e haia de mee nei, ma tangada e kana ange ga daohia de mee nei, go tangada e dao ina e dee hagangadi mee Sabbath, gai e daohi luoono lima gi dee haia de baubau.”

Isaiah 56:4

Go hiidinga e hagadaba Tagi Maolunga, “Denga eunuch e dao ina laa agu Sabbath, ma de hilihili mee oogu e malangilangi ai, aama de daohi dagu hagatoo donu hagaheloongoi —

Isaiah 56:6

Gai de gau henua gee gu dau ange laa gi Tagi Maolunga ma de hai hegau ange ai gi de ia, gi aaloha i de ingoo o Tagi Maolunga ma de daumaha ange gi de ia, gai alodahi e daohia Sabbath, gai e dee hagangadi mee de laangi nei, ma tangada e daohia dagu hagatoo donu hagaheloongoi —

Isaiah 58:13

Noo koe e dee oha Sabbath, ma tee hai oo mee e lodo ai i dogu laangi dabu, ma de hagabinga Sabbath bolo se laangi hagamalangilangi, ma de hagaingoo ange de laangi dabu o Tagi Maolunga bolo se laangi hagadubu, gai noo koe e hagadubu de laangi laa ga dee hai donu huu au hegau, ma de hagamalangilangi donu huu goe, aama tee tala ai hanu ngadi muna,

Matthew 12:2

Aagai de masavaa huu a denga Pharisee ne gidee ai, gai gilaadeu ga hai ange, “Galo ange diiloo au dangada agoago e hai mee e dee alaange de hai i Sabbath!”

Mark 2:16

Gai ga gidee huu e de gau sisi ma denga Pharisee, bolo Iesu e gaimee madali dangada e hagabudulia taagisese ma de gau haisala, gai gilaadeu ga ssili ange gi ana dangada agoago, “Gu aha gu gaimee ai naa doodou dangada agoago madali dangada e hagabudulia taagisese aama de gau baubau?”

Mark 2:25

Iesu ne hai ange gi gilaadeu, “Goodou tigi daulia ange naa donu mee a David ne hai laa, i de masavaa olaadeu ma denga daane madali ia ne hiikai ai?

Mark 2:7

“Gu aha taane nei gu basa ai nei bee nei? Ia e hagangadi mee de Maadua! Goai e maua i de degi ange gi haisala, e dee go de Maadua donu huu?”

Hebrews 12:3

Goodou manadua dagodo de golomagi mmao ono lodo, i de masavaa o de gau baubau ne hai baasi ange ai gi de ia, gi dee helui ai oodou llodo aabe gi lodo baageaa.