Mark 16:17 - De Beebaa Dabu

¹⁷ Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee;

Mark 16:17 Iomraidhean Croise

Mark 9:38

John ne hai ange gi de ia, “Tangada Agoago, gimaadeu ne gidee dahi daane e hai gi hulo denga hagasaalunga baubau i doo ingoo, gai gimaadeu ga hai ia gi dee haia, go hiidinga ia e dee hano saele madali gidaadeu.”

Luke 10:17

Gai ga aahe mai huu tinohidu ma dogolua, gai gilaadeu gu malangilangi mmao, gai gilaadeu ga hai ange gi Iesu, “Tagi Maolunga, denga hagasaalunga baubau ne hagallongo mai donu hogi gi gimaadeu i doo ingoo!”

John 14:12

Ni muna abodonu, ni muna abodonu, aagu e hai adu nei gi goodou, tangada e hagadonusia ogu dagodo, e hai naa hogi hegau aagu gu hai nei; gai ana hegau e hai e kii ange naa donu de hagalele mouli i mee nei, i hiidinga au ga ahe nei gi daho Tamana.

Acts 10:46

Gai gilaadeu gu langona dangada i kilaa gu pasa i denga hagadaagangaa muna, gai gilaadeu ga tuhi de Maadua. Gai Peter ga hagadaba,

Acts 16:18

Gai ne lagolago laangi aana ne hai ai de hegau nei. Aagai a Paul gu daemaha, gai ia ga huli dua ga hai ange gi de hagasaalunga baubau, “Au e hai adu gi de goe i de ingoo o Iesu Klisdo, sao mai i ono daha.” Gai de hagasaalunga baubau gu sao mai i de masavaa laa donu huu.

Acts 19:6

Gai de masavaa huu a Paul ne dugu ange ai luoono lima gi olaadeu elunga, gai de Hagasaalunga Dabu gu hano gi olaadeu elunga. Gai gilaadeu ga pasa i denga hagadaagangaa muna ma de pasa pelaabisi.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Acts 5:16

Gai dangada soa mai i denga aduhale i luu baasi o Jerusalem ne gaamai denga magi, ma gilaadeu iai denga hagasaalunga baubau; gai gilaadeu alodahi gu odi i de ieiangi.

Acts 8:7

Gai denga hagasaalunga baubau ne oo ma de ssao ga hulo gee mai i daho dangada soa; ne soa hogi de gau balagelage ma de gau baagia ne ieiangi.

1 Corinthians 12:10

gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa.

1 Corinthians 12:28

Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.

1 Corinthians 12:30

E dee go dangada alodahi ne gaavee tuuhanga o de hagaieiangi magi. E dee go dangada alodahi e pasa i denga hagadaagangaa muna. Gai e dee go dangada alodahi e hagadonu ina muna laa.

1 Corinthians 13:1

Noo au e maua i de basa i hagadaagangaa muna a dangada aabe go muna a de gau de langi, aagai e deai se aloha i ogu daha, gai au e bei dagodo o de baalanga e hagalongaa laa, aabe go de cymbal e hagailiili laa.

1 Corinthians 14:2

Go hiidinga tangada e basa i denga hagadaagangaa muna, e dee basa ange gi dangada, aagai e basa ange gi de Maadua. Gai e deai donu dangada e tonu ange gi ana muna; gai ia e tala mee e dee iloo laa i ssauaa o de Hagasaalunga.