Mark 14:68 - De Beebaa Dabu

⁶⁸ Aagai Peter ga hagadee iloo ana muna, ga hai ange, “Au e dee iloo donu aabe e donu adu gi aau mee e tala mai naa.” Gai ia ga sao ga hano gi honga de velanda. Gai de gaagoo daane gu goo.

Mark 14:68 Iomraidhean Croise

Mark 14:54

Gai Peter ne daudali adu i dua o Iesu i de mommee mmao, ga hano ga ulu gi lo te buibui o de hale o tangada haimeedabu maolunga, ga noho madali de gau hagaloosi ga hagamahanahana ai i de ahi.

Mark 14:69

Gai tamaa hine hai hegau laa ne gidee ange hogi Peter i kilaa, gai ia ga hai ange gi dangada e tuu saele, “Taane nei se daane donu madali gilaadeu!”

Mark 14:70

Aagai Peter ga hagadee iloo hogi ana muna. Muli mai gai dangada e tuu laa i kilaa ne hai ange gi Peter, “Ni muna abodonu, koe se daane donu madali gilaadeu, i hiidinga koe se dangada Galilee hogi.”

Mark 14:72

De masavaa laa donu huu gai gu goo de gaagoo daane i de lua hanonga. Gai Peter gu manadua e ia muna a Iesu ne hai ange gi de ia, “I mua de goo o de gaagoo daane i de lua hanonga, gai koe e hagadee iloo naa donu au i e dolu hanonga.” Gai ia gu dangi mmao.