Mark 14:65 - De Beebaa Dabu

⁶⁵ Gai hanu gilaadeu ne daamada de savasavale ange gi Iesu, ga nnoa luoono mada i de malo ga dugidugi ia i olaadeu lima, gai gilaadeu ga hai ange gi de ia, “Daalaa mai be goai ne duugia laa goe!” Gai de gau hagaloosi ne kave hogi ia ga hagailiili.

Mark 14:65 Iomraidhean Croise

2 Chronicles 18:23

Gai Zedekiah, tama daane a Kenaanah, ne hano ga hagaili de galaahuu o Micaiah, ga ssili ange, “Go hee ne hano aagena de Hagasaalunga o Tagi Maolunga, ne sao mai laa i ogu daha ga basa adu gi de goe?”

Esther 7:8

Gai ga ahe mai huu de hodooligi i de veelenga o de hale o de hodooligi gi de mommee e hai ai laa taonga, gai ia gu gidee Haman gu hagabaguu ange gi honga de mee dagodo o Esther e noho ai laa. Gai de hodooligi ga hagadaba, “Ia ga hai gi de mahi nei donu hogi de hine hodooligi, i de masavaa oogu e noho ai i de hale?” De masavaa a de hodooligi ne tala ai muna nei, gai de gau hai hegau ga haoli luu mada o Haman.

De Beebaa go Job 30:10

Gilaadeu e kino i de au, ma de hagammao gee i de au; gilaadeu e dee maatagu donu i de saavale mai gi luoogu mada.

Isaiah 50:6

Au ne dugu ange au gi gilaadeu e hagailiilia dogu dua, gai e huli ange luoogu galaahuu gi gilaadeu e vele ina dogu gumigumi; gai au tee haoli luoogu mada i de hagadogaa ma de saavale.

Isaiah 52:14

Dangada soa ne llele mouli i ono dagodo — dono angaanga e kona de lagolagohia, gu dee dagodo be se angaanga dangada, gai dono angaanga gu dee madea ange bolo se angaanga dangada —

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Micah 5:1

De aduhale o denga daane hebagi, hagabuni ina oo hagabuulinga hebagi, go hiidinga hanu gu dai hebagi mai naa gi taadeu aduhale. Gilaadeu e hagailiili naa de galaahuu o tagi o Israel i de laagau.

Numbers 12:14

Gai Tagi Maolunga ne hai ange gi Moses, “Noo tamana o Miriam gu saavale ange gi luoono mada, gai e aha, ia e dee hagangadi mee ina naa i e hidu laangi? Gaavee ia gi noho i tua de mommee nnoho gaainga i e hidu laangi; gai dua naa huu laangi laa gai ia gu maua i de ahe mai.”

Matthew 27:30

Gai gilaadeu ga savasavale ange gi de ia, ga kave togo laa ga hagailiili ai dono biho.

Mark 10:34

gai gilaadeu e doo mee naa i de ia, ma de savasavale ange gi de ia, ma de hagailiili ia aama de daa ia gi magau. Gai dua naa huu e dolu laangi gai ia e mouli age.”

Mark 15:19

Gai gilaadeu ga hagailiili dono biho i de laagau ma de savasavale ange gi de ia, aama de duuduli ga ino ange gi de ia.

John 18:22

De masavaa o Iesu ne basa ange ai bee nei, gai dahi dangada hagaloosi e duu laa i kilaa ga hagaili ia, ga hai ange, “Gu aha gu basa ange ai naa goe bee naa gi tangada haimeedabu maolunga?”

John 19:3

Gai gilaadeu ne loomai, ga hai ange, “De laangi danuaa, de hodooligi o de gau Ssuu!” Gai gilaadeu ga hagailiili luoono mada.

Acts 23:2

Gai tangada haimeedabu maolunga go Ananias ga hai ange gi gilaadeu e paa ange gi a Paul gi hagailihia dono ngudu.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.