Mark 14:62 - De Beebaa Dabu

⁶² Iesu ne hai ange, “Go au donu. Gai goodou e gidee naa Tama a Tangada e noho i de baasi madau o de Ia Mmahi Mmao laa, ma de humai i honga giliiga o de langi.”

Mark 14:62 Iomraidhean Croise

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Mark 13:26

De masavaa laa gai dangada e gidee naa Tama a Tangada e humai i honga denga giliiga i de mmahi ma de mahamaha.

Matthew 24:30

Aagai de hagailonga o Tama a Tangada e hagasula mai naa i de langi. Gai huaabodu o henua i lalo alodahi e tangi naa, ga hagailiili olaadeu hadahada i delaadeu gidee Tama a Tangada, e humai i honga giliiga o de langi i ssauaa ma de mahamaha laumalie.

Matthew 26:64

Iesu ne hai ange gi de ia, “Koe e hagadaba bolo go au go ia. Aagai au e hai adu gi goodou, dua iainei gai goodou e gidee naa Tama a Tangada e noho i de baasi madau o de Ia Mmahi laa, ma de humai i honga giliiga o de langi.”

Luke 22:69

Aagai dua iainei gai Tama a Tangada e noho naa i de baasi madau o de Maadua Mmahi laa.”

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Hebrews 8:1

De mee hagamogomogo i lodo amaadeu muna e tala adu deenei: gidaadeu e dahi odaadeu dangada haimeedabu maolunga, e noho i de baasi madau o de nohoanga o de Ia Maolunga Mmao laa i de langi,

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Luke 23:3

Aagai Pilate ga ssili ange gi Iesu, “Go koe de Hodooligi o de gau Ssuu?” Iesu ne hai ange gi de ia, “Deenaa aau e hagadaba ai naa.”

Mark 15:2

Gai Pilate ne ssili ange gi Iesu, “Go koe de Hodooligi o de gau Ssuu?” Iesu ne hai ange gi de ia, “Deenaa aau e tala mai naa.”

Matthew 27:11

De masavaa o Iesu e duu ai i mada i mua o de goobenaa, gai de goobenaa ne ssili ange gi de ia, “Go koe de Hodooligi o de gau Ssuu?” Iesu ne hai ange, “Deenaa aau e hagadaba ai naa.”

2 Peter 1:16

Gai gimaadeu tee tala adu hanu ngadi daalanga, i de masavaa amaadeu ne tala adu ai dagodo o ssauaa ma de ahe mai o taadeu Dagi Maolunga go Iesu Klisdo, aagai gimaadeu ne gidee donu dagodo o dono mahamaha.