Mark 14:31 - De Beebaa Dabu

³¹ Aagai Peter ne hagammahi huu ga hai ange, “Ga magau naa donu au madali goe, gai au e dee hagadee iloo donu goe!” Gai denga dangada agoago ange laa ne hai ange hogi muna nei gi de ia.

Mark 14:31 Iomraidhean Croise

1 Kings 11:22

Gai Pharaoh ga ssili ange gi de ia, “Se aha oou gu duasala ai naa, gu lodo ai naa goe e ahe gi doo henua?” Ia ne hai ange, “E deai donu, aagai dugua donu huu au gi hano.”

2 Kings 8:13

Hazael ne hai ange, “Dee hee de hai a doo dangada hai hegau, e hai ai de hegau nei, gai au e bei donu dagodo o dahi gaaduu?” Elisha ne hai ange, “Tagi Maolunga gu hagaago mai bolo koe e hodooligi naa i Syria.”

Psalm 30:6

De masavaa oogu e duadonu ai, gai au ne hagadaba, “Au e dee maua donu gi ngalungalue”.

Exodus 19:8

Gai dangada alodahi ne pasa ange, ga hai ange, “Gimaadeu e paba ange donu e daudali i mee alodahi a Tagi Maolunga gu tala adu gi de goe.” Gai Moses ga ahe age e hagailoo ange muna laa gi Tagi Maolunga.

Proverbs 16:18

De hagaodi o de hagamaolunga go de magau, gai de hagaodi o de lodo maolunga go tee sula o tangada.

Proverbs 18:24

Tangada e soa laa ono soa, e duu ange naa donu gi de hai ngadaa, aagai e dahi dangada se soa e kii ange de baa ange gi de ia i dono daina donu.

Proverbs 29:23

De lodo maolunga o tangada e hai ga maolalo ia, aagai tangada lodo maolalo e kave naa de hagadubu.

Jeremiah 10:23

Tagi Maolunga, au e iloo bolo de haiava o tangada e dee go ia e hilihilia, gai e dee go ia e dagina dono haiava e seesee ai.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Matthew 10:33

Aagai be goai e hagadee iloo ina au i madamada o dangada, gai au e hagadee iloo naa hogi ia i mada luu mada o dogu Damana i de langi.

Mark 10:39

Gilaau ne hai ange gi de ia, “Gimaau e maua.” Iesu ne hai ange gi gilaau, “Gooluu e unu naa donu i de ubu oogu e unu ai, ma de babudaisi i de babudaisi oogu gu babudaisi ai,

Mark 14:30

Iesu ne hai ange gi de ia, “Ni muna abodonu aagu e hai adu nei gi de goe, aaboo nei, i mua de goo o de gaagoo daane i e lua hanonga, gai koe e hagadee iloo naa donu au i e dolu hanonga.”

Mark 14:32

Gai gilaadeu ne hulo gi de mommee e hagaingoo ange laa go Gethsemane. Gai Iesu ga hai ange gi ana dangada agoago, “Goodou nnoho i kinei, gai au ga hano e dalodalo.”

Luke 23:23

Aagai gilaadeu ga kii ange donu de usuusu ange ia ma de hevaalogi ga hai ange bolo gi daudau ina ia i de laagau lui, gai gu sula de mee olaadeu e hevaalogi ai laa.

John 13:37

Peter ne ssili ange gi de ia, “Tagi Maolunga, gu aha gu dee maua ai e au i de daudali adu i de goe iainei? Au gu baba ange donu e gaavange dogu mouli i oo hiidinga.”