Mark 14:2 - De Beebaa Dabu

² Aagai gilaadeu ne hagataba, “Gidaadeu e dee poo ia i de masavaa o taonga kana hellumi dangada.”

Mark 14:2 Iomraidhean Croise

Proverbs 19:21

E lagolago hagatau i lodo o tangada, aagai go hagatau donu huu a Tagi Maolunga e ssula.

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Lamentations 3:27

Se mee danuaa de golomagi lodo o tangada i de masavaa oona e dama daane ai.

Matthew 26:2

“Goodou e iloo bolo e lua ange donu huu laangi i mua Taonga Hagasili, gai Tama a Tangada e gaavange naa e daudau i de laagau lui.”

Matthew 26:5

Aagai gilaadeu ne hagataba, “Gidaadeu e dee poo ia i laangi o taonga laa, ana vakaa ga hellumi dangada.”

Mark 11:18

Gai ga langona huu e de gau haimeedabu maolunga ma de gau sisi muna laa, gai gilaadeu ga ssala delaadeu hai e daa ai Iesu gi magau; go hiidinga gilaadeu e maatagu i de ia, i hiidinga dangada soa gu llele mouli i ana agoago.

Mark 11:32

Aagai noo gidaadeu e hai ange, ‘Se mee mai i daho dangada’…” (Gai gilaadeu e maatagu i dangada, i hiidinga dangada alodahi e hagataba bolo a John se pelaabisi donu.)

Mark 14:1

De masavaa ne lua ai laangi i mua o Taonga Hagasili ma Taonga o Pelaoaa Dee Hagahua. Gai de gau haimeedabu maolunga ma de gau sisi ne ssala delaadeu hai e poo hagammuni ai Iesu e daa gi magau.

Mark 14:3

De masavaa o Iesu e hakaogao ai ma e gaimee i teebele i de hale o Simon i Bethany, go taane nogo magi lebelaa i mua, gai dahi hahine ne humai ma dahi manu alabaster iai vai hagamanongi e hai i nard gai e hagao ngadaa mmao, gai ia ga hhoa de manu laa ga llingi ange gi honga dono biho.

Luke 20:6

Aagai noo gidaadeu e hai ange, ‘Se mee mai i daho dangada,’ gai dangada alodahi e maga naa gidaadeu i hadu, go hiidinga gilaadeu e hagataba bolo a John se pelaabisi.”

Luke 22:1

De masavaa laa gai gu hai Taonga o Pelaoaa Dee Hagahua, go taonga e hagaingoo ange laa go Taonga Hagasili.

John 12:19

Gai denga Pharisee ne hagataba i olaadeu magavaa, “Kalo ange diiloo, gu deai donu adaadeu mee e mau i de hai. Tilo, henua i lalo alodahi gu daudali ange i de ia.”

John 7:40

Gai ga langona huu e dangada soa muna laa, gai hanu gilaadeu ga hagataba, “Deenei donu de Pelaabisi laa.”