Mark 14:18 - De Beebaa Dabu

¹⁸ Gai de masavaa olaadeu ne hakaogao ai i teebele e gaimee, gai Iesu ga hai ange gi gilaadeu, “Ni muna abodonu aagu e hai adu nei gi goodou, dahi goodou e gaavange naa donu au, go dahi dangada donu e gaimee nei madali au.”

Mark 14:18 Iomraidhean Croise

Psalm 41:9

Dogu soa danuaa hugadoo, go de ia aagu e hagadonu, ma de gaimee madali au, gu hai baasi mai gi de au.

Matthew 26:21

De masavaa olaadeu e gaimee ai, gai ia ga hai ange gi gilaadeu, “Ni muna abodonu aagu e hai adu nei gi goodou, dahi goodou e gaavange naa donu au.”

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

Matthew 6:16

“Noo goodou e hagahiikai, gai goodou gi dee haia gi dagodo hagaaloha oodou mada, bei dagodo olaadeu e daahangadia dangada. Gilaadeu e hai gi dagodo hagaaloha olaadeu mada, gi gidee ai e dangada bolo gilaadeu e hagahiikai. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 6:2

Deenei ai, noo goodou gu gaavange hanu mee gi tangada e duasala, aagai goodou gi dee ilihia denga trumpet i mua, bei dagodo hegau a dangada e daahangadia dangada, i denga synagogue ma honga denga haiava, gi duuhia ai e dangada gilaadeu. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 6:5

“Gai de masavaa naa huu oodou e dalodalo ai, aagai goodou gi dee ago ange i gilaadeu e daahangadia dangada! Gilaadeu e llodo e tuu e dalodalo i denga synagogue ma dege o denga haiava, gi gidee ai e dangada alaadeu hegau. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Mark 10:15

Ni muna abodonu aagu e hai adu nei gi goodou, be goai e dee gaavee de nohoanga hodooligi o de Maadua bei dagodo o tamaa gauligi, aagai ia e dee maua donu i de ulu ai.”

Mark 10:29

Iesu ne hai ange gi de ia, “Ni muna abodonu aagu e hai adu nei gi goodou, tangada gu dugua dono hale, be go ono daina daane, be go ono daina haahine, be go dono dinana, be go dono damana, be go ana dama, aabe go ono alahenua, i ogu hiidinga ma hiidinga o de longo danuaa,

Mark 14:17

Gai ga ahiahi huu de mee, gai ia gu humai madali tinoangahulu ma dogolua.

Mark 14:19

Gai ana dangada agoago gu dee paba olaadeu lodo, gai dahi ma dahi ga ssili ange gi de ia, “Go au oou e basa ai naa?”

Mark 14:25

Ni muna abodonu aagu e hai adu nei gi goodou, au e dee unu ange naa donu hua o de grapevine, ga dae ai gi dagu unu uvaini hoou i de nohoanga hodooligi o de Maadua.”

Mark 14:9

Ni muna abodonu aagu e hai adu nei gi goodou, be go hee naa huu e tala ai de longo danuaa i henua i lalo, aagai e tala ai naa hogi hegau a de hine nei e hagamaanadu ai ia.”

Mark 3:28

Ni muna abodonu aagu e hai adu nei gi goodou: haisala alodahi o dangada e haisala ai, ma muna baubau alodahi a dangada e tala, e degi ange donu gi olaadeu haisala,

Mark 6:11

Gai de mommee naa huu e dee abodonu adu gi goodou aabe hagallongo oodou agoago, gai de masavaa naa huu oodou e hulo gee ai i kilaa, gai goodou ga luuluu gi too gelegele i oodou vae e hai baasi ange ai gilaadeu!”

Mark 8:12

Gai Iesu ne manava i lunga i taemaha ono lodo, ga ssili ange, “Gu aha de atangada nei gu ssala ai nei dahi hagailonga? Ni muna abodonu aagu e hai adu nei gi goodou, e deai donu se hagailonga e hagaago ange gi de atangada nei!”

Mark 9:1

Iesu ne hai ange hogi gi dangada, “Ni muna abodonu aagu e hai adu nei gi goodou, hanu dangada e tuu nei i kinei e dee maakau naa donu ga dae ai gi delaadeu gidee de nohoanga hodooligi o de Maadua e humai i de mmahi.”

Mark 9:41

Ni muna abodonu aagu e hai adu nei gi goodou, be goai e gaavadu gi goodou dahi ubu vai i dogu ingoo, i hiidinga goodou nii de Klisdo, gai ia e dee tili donu dono hagaoanga.

Luke 11:51

mai i dodo o Abel ga dae ai gi dodo o Zechariah, ne daa ga magau i magavaa de mommee o ssigidaumaha ma de Aabi Dabu. Ni muna abodonu aagu e hai adu nei gi goodou: de atangada nei e hagaduasala naa donu i hiidinga dodo nei.

Luke 22:21

Tilo! De lima o tangada gu dai gaavange au e dagodo i honga teebele madali dogu lima!

Luke 4:24

Gai ia ga hai ange, “Ni muna abodonu aagu e hai adu nei gi goodou, e deai donu se pelaabisi e hagadubu ina i dono henua donu.

John 1:51

Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.”

John 13:18

“Au e dee basa i goodou alodahi; au e iloo goodou aagu gu lava i de hili. Gai de mee nei e hagassula muna a de Beebaa Dabu gu tala laa, ‘Tangada ne gaimee madali au gu hai baasi mai gi de au.’

John 13:21

Gai ga lava huu i dana tala muna nei, gai ia gu daemaha ono lodo ga hagadaba, “Ni muna abodonu, ni muna abodonu aagu e hai adu nei gi goodou, dahi goodou e gaavange naa donu au.”

John 13:22

Gai ana dangada agoago ga hagadau kalo ange, gilaadeu gu dee iloo be goai oona e basa ai laa.

John 13:38

Iesu ne hai ange gi de ia, “E aha, koe gu baba ange naa donu e magau i ogu hiidinga? Ni muna abodonu, ni muna abodonu aagu e hai adu nei gi de goe, i mua de goo o de gaagoo daane, gai koe e hagadee iloo naa donu au i e dolu hanonga!

John 21:18

Ni muna abodonu, ni muna abodonu aagu e hai adu nei gi de goe, doo masavaa e dama daane ai, gai koe e nnoa doo ungaalodo i doo beele, ga hano be go hee oou e lodo e hano aagena. Gai doo masavaa naa huu e madumadua ai, gai koe e haalo naa luoo lima, gai dahi dangada gee ga nnoa doo ungaalodo i de beele, ga dagi goe gi de mommee oou e dee lodo e hano aagena.”

John 3:11

Ni muna abodonu, ni muna abodonu aagu e hai adu nei gi de goe, gimaadeu e pasa i mee amaadeu e iloo, gai gimaadeu e tala hagadonu mee amaadeu gu gide, aagai goodou e dee hagadonu amaadeu mee e tala adu.

John 3:3

Iesu ne hai ange gi de ia, “Ni muna abodonu, ni muna abodonu, aagu e hai adu nei gi de goe: noo tangada e dee haanau hoou, gai ia e dee maua donu gi gidee de nohoanga hodooligi o de Maadua.”

John 3:5

Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

John 5:19

Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

John 6:26

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, goodou tee ssala au i hiidinga goodou gu gidee hanu hagailonga, aagai goodou ne ssala au i hiidinga goodou ne boobosu i de gai pelaoaa.

John 6:32

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, e dee go Moses ne gaavadu gi goodou de pelaoaa mai i de langi, gai dogu Damana e gaavadu gi goodou de pelaoaa abodonu mai i de langi.

John 6:47

Ni muna abodonu, ni muna abodonu aagu e hai adu nei gi goodou, tangada e hagadonusia gu kave donu de mouli e dee ngado mai.

John 6:70

Iesu ne hai ange gi gilaadeu, “E aha, e dee go au ne hilia goodou, tinoangahulu ma dogolua? Gai dahi goodou se ia hagabaubau.”