Mark 13:8 - De Beebaa Dabu

⁸ Denga huaahenua e hagadau hebagi naa, gai denga nohoanga hodooligi e hagadau hai baasi naa. Denga mommee o henua i lalo e ngalungalue naa, ma de hai ai denga onge. Gai mee nei e bei naa donu taamada de hai hagalangona o de hine gu dai haanau.

Mark 13:8 Iomraidhean Croise

2 Chronicles 15:6

Gilaadeu gu dee buni; denga huaahenua ma denga aduhale gu hagadau hebagi i olaadeu magavaa, go hiidinga de Maadua gu hagaduasala gilaadeu i denga hagadaagangaa hai ngadaa alodahi.

Psalm 48:6

Gilaadeu gu manavasaa mmao, bei dagodo o de hine gu hai ono hagalangona.

Isaiah 19:2

“Au e hai naa de gau Egypt gi hagadau hebagi: dahi dangada e hebagi ange naa gi dono daina, dahi dangada e hebagi ange naa gi tangada e baa ange gi de ia, dahi aduhale e hebagi ange gi de aduhale ange laa, dahi nohoanga hodooligi e hebagi ange gi de nohoanga hodooligi ange laa.

Isaiah 29:6

gai Tagi o denga hagabuulinga hebagi e humai naa bei de hatuli ma de ngalungalue o de henua ma de leo mmahi, madali denga ssio ma de madangi aama de ahi e dudu ai mee alodahi.

Isaiah 37:3

Gai gilaadeu ne hai ange gi de ia, “E hagadaba Hezekiah, ‘Anailaa nei gai gidaadeu gu hai ngadaa, ma de dookaa, aama de hagangadi mee ina, bei de masavaa o de hine e hai ai ono hagalangona, gai gu deai ono mahi e haanau ai.

Jeremiah 13:21

Gai aahee naa au muna e tala i de masavaa, aana e hai ai dangada aau ne agoago ange gi ni dagi niiou? E aha, goodou e dee mmae naa oodou lodo, bei de hine gu hai ono hagalangona?

Jeremiah 22:23

Tangada e noho i Lebanon, ma de noho i lodo hale e hai i cedar, koe e gonogono naa donu ma de mmae, koe e mmae naa bei de hine gu hai ono hagalangona!

Jeremiah 25:32

E hagadaba Tagi o denga hagabuulinga hebagi: “Tilo, dahi hai ngadaa e duu ange naa gi denga huaahenua alodahi; dahi madangi mmahi e ssau mai naa i luu bido o henua i lalo.”

Jeremiah 4:31

Au e langona leo bei de dangi o de hine e dangi i de masavaa o ono hagalangona, ia e gonogono i de masavaa e haanau ai dana dama madua — go de leo o tamaa hine o Zion e ssala ai dana madangi, ma de haalo luoono lima ga hagadaba, “Gu vakaa loo au! Au gu dai ssili mada i dogu madagu i de gau daa dangada.”

Jeremiah 49:24

Damascus gu deai ono mahi, gai gu huli ma gu savini; ia gu kona de manavasaa ma de mmae, bei de mmae o de hine gu hai ono hagalangona.

Jeremiah 50:43

De hodooligi o Babylon gu langona olaadeu longo, gai luoono lima gu pole. Ia gu manavasaa ono lodo, ma de mmae bei de hine gu hai ono hagalangona.

Jeremiah 6:24

Gimaadeu gu langona olaadeu longo, gai omaadeu lima gu pole. Gimaadeu gu dee paba mmao omaadeu lodo, gimaadeu gu mmae bei de hine gu hai ono hagalangona.

Haggai 2:22

Au e kave gee naa ssauaa ma mahi o denga nohoanga hodooligi. Au e oha naa olaadeu hada hebagi ma denga daane e saavini ai; alaadeu hoosa ma gilaadeu e kage ai e maakau naa, gai gilaadeu e hagadau daa naa donu huu gilaadeu.

Zechariah 14:13

De laangi laa gai Tagi Maolunga e hai naa gi kona delaadeu maatagu. Dahi ma dahi e poo naa dono soa, gai gilaau ga hagadau hebagi.

Matthew 24:8

Gai mee nei e bei naa donu taamada de hai hagalangona o de hine gu dai haanau laa.

Mark 13:7

Gai de masavaa naa huu oodou e langona ai de hai denga hebagi ma longo o denga hebagi, gai goodou gi dee manavasaa oodou lodo. Mee nei e hai naa donu, gai tigi dae mai de hagaodi.

Mark 13:9

Aagai goodou kana ange dagidiiloo iho goodou. Dangada e gaavange naa goodou gi de hagabuulinga hagasaele, gai goodou e gaavee naa ga hagailiilia i lodo synagogue. Goodou e hai naa gi tuu i mada i mua o denga goobenaa aama denga hodooligi i ogu hiidinga, gai goodou ga tala hagadonu ange ai au gi gilaadeu.

Acts 11:28

Gai e dahi daane i olaadeu magavaa, dono ingoo go Agabus, ne hidi age ga basa pelaabisi i ssauaa o de Hagasaalunga ⌊Dabu⌋ bolo dahi onge laumalie gu dai dae mai gi henua i lalo alodahi; gai de mee nei ne hai i de masavaa o Claudius e dagi ai.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Revelation 6:4

Gai gu sao mai ange hogi dahi hoosa, se hoosa mmea. Gai gu gaavange gi tangada e gage i ono elunga ssauaa e hai ai gi dee nnoho paba dangada i henua i lalo, ma de hai dangada gi hagadau daia gilaadeu gi maakau. Gai ne gaavange hogi dahi gadilaasa looloa gi de ia.