Mark 13:26 - De Beebaa Dabu

²⁶ De masavaa laa gai dangada e gidee naa Tama a Tangada e humai i honga denga giliiga i de mmahi ma de mahamaha.

Mark 13:26 Iomraidhean Croise

Matthew 16:17

Iesu ne hai ange gi de ia, “Simon tama daane a Jonah, koe gu manuuia! Go hiidinga e dee go dangada ne hagaagona adu mee nei gi de goe, aagai go dogu Damana i de langi laa.

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Matthew 16:28

Ni muna abodonu aagu e hai adu nei gi goodou: e hanu donu dangada e tuu i kinei e dee maakau ga dae ai gi delaadeu gidee Tama a Tangada e humai i dono nohoanga hodooligi.”

Matthew 24:30

Aagai de hagailonga o Tama a Tangada e hagasula mai naa i de langi. Gai huaabodu o henua i lalo alodahi e tangi naa, ga hagailiili olaadeu hadahada i delaadeu gidee Tama a Tangada, e humai i honga giliiga o de langi i ssauaa ma de mahamaha laumalie.

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Mark 14:62

Iesu ne hai ange, “Go au donu. Gai goodou e gidee naa Tama a Tangada e noho i de baasi madau o de Ia Mmahi Mmao laa, ma de humai i honga giliiga o de langi.”

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

Mark 9:1

Iesu ne hai ange hogi gi dangada, “Ni muna abodonu aagu e hai adu nei gi goodou, hanu dangada e tuu nei i kinei e dee maakau naa donu ga dae ai gi delaadeu gidee de nohoanga hodooligi o de Maadua e humai i de mmahi.”

Luke 21:27

De masavaa laa gai dangada e gidee naa Tama a Tangada e humai i honga giliiga i ssauaa aama de mahamaha laumalie.

Acts 1:11

ga hai ange, “Denga daane Galilee, gu aha gu tuu ai naa goodou e kalo age gi lo te langi? Iesu oodou e gidee naa gu gaavage mai i oodou daha gi de langi, e ahe mai naa bei doodou hai gu gidee ai naa ia e hano gi de langi.”

1 Thessalonians 4:16

Gai Tagi Maolunga e hano iho naa donu i de langi ma de oo i de leo mmahi, madali de leo o tangada de langi maolunga aama de ili o de trumpet a de Maadua. Gai de gau maakau ne hagadonusia laa e mouli age naa i mua.

2 Peter 1:16

Gai gimaadeu tee tala adu hanu ngadi daalanga, i de masavaa amaadeu ne tala adu ai dagodo o ssauaa ma de ahe mai o taadeu Dagi Maolunga go Iesu Klisdo, aagai gimaadeu ne gidee donu dagodo o dono mahamaha.

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.