Mark 12:6 - De Beebaa Dabu

⁶ Gai e dahi ange donu huu dangada aana e maua i de hai gi hano: go tama daane oona e aloha ai laa. Muli mai gai ia ne hai ia gi hano gi daho de gau laa, ga hagadaba, ‘Gilaadeu e hagadubu naa donu dagu dama daane.’

Mark 12:6 Iomraidhean Croise

Genesis 22:12

Tangada de langi laa ne hai ange, “Aude poo ange gi tama daane naa, aabe gi haia ange dahi mee gi de ia. Iainei gai au gu iloo bolo koe e madagu i de Maadua, go hiidinga koe tee daohi donu dau dama dagidahi i de au.”

Genesis 22:2

Gai de Maadua ga hai ange, “Gaavee dau dama dagidahi go Isaac, go tama oou e aloha ai, ma gi hano gi de mommee go Moriah. Gai koe ga daa ia ga hai ai dahi sigidaumaha dudu, i honga de mounga aagu e hagaago adu gi de goe.”

Genesis 37:3

Gai Israel e kii Joseph dono aloha ai i ana dama ange laa alodahi, go hiidinga se dama ne haanau ange gi de ia i de masavaa oona gu madumadua ai. Gai ia ne hai dahi malo lloa hagalaagii moo Joseph.

Genesis 44:20

Tangada aamua, gimaadeu ne hai adu gi de goe, ‘Gimaadeu e dahi omaadeu damana, ia gu madumadua, ma dahi daina daane gauligi, se dama niiana ne hagadili i de masavaa oona gu madumadua ai. Dono daina daane gu magau, gai go tama nei donu huu e doe i dama a dono dinana; gai dono damana e kona donu de aloha i de ia.’

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 2:7

Au e hagailoo hainga a Tagi Maolunga gu hagasauaa; ia ne hai mai gi de au, “Go koe dagu Dama Daane, anailaa nei gai go au doo Damana.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Matthew 26:63

Aagai Iesu e dee muu ange donu. Gai tangada haimeedabu maolunga ga hai ange, “Au e hai adu gi de goe i de ingoo o de Maadua e mouli laa, daalaa mai gi gimaadeu be go koe de Klisdo, Tama Daane a de Maadua.”

Matthew 3:17

Gai tilo, de leo mai i de langi ne hagadaba, “Deenei dagu Dama Daane hagamogomogo, au e malangilangi i de ia.”

Mark 1:11

Gai dahi leo gu basa mai i de langi ga hagadaba, “Go koe dagu Dama Daane hagamogomogo, au e malangilangi i de goe.”

Mark 12:5

Taane laa ne kave ange hogi dahi dangada gi hano gi olaadeu daha, gai gilaadeu ga daa ia gu magau. E soa ange dangada a taane laa ne hai gi hulo gi olaadeu daha, gai de gau hai hegau laa ne hagailiili hanu, gai ne daa hanu ga maakau.

Mark 12:7

Aagai de gau hai hegau laa ga hagataba i olaadeu magavaa, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga!’

Mark 9:7

Gai dahi giliiga gu hano iho ga haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo; goodou hagalaangona ana muna!”

Luke 3:22

gai de Hagasaalunga Dabu gu hano iho gi ono elunga e hagadulagi ange gi de manu kono. Gai gu basa iho hogi de leo i de langi ga hai ange, “Go koe dagu Dama Daane hagamogomogo; au e malangilangi i de goe.”

Luke 9:35

Gai dahi leo mai i lo te giliiga laa ga hagadaba, “Deenei dagu Dama Daane, go de ia aagu gu hili; goodou hagalaangona ana muna!”

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 1:34

Gai au ne gidee de hai mee nei, ma de tala hagadonu bolo go ia donu Tama Daane a de Maadua.”

John 1:49

Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

John 3:35

Tamana e aloha i dana Dama Daane, gai gu dugu ange mee alodahi gi de ia.

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

Hebrews 1:6

Gai de masavaa a de Maadua ne gaamai ai dana Dama Madua gi henua i lalo, gai ia ne hagadaba, “De gau de langi alodahi o de Maadua gi daumaha ange gi de ia.”

1 John 4:9

Gai deenei de hai a de Maadua ne hagaago mai ai dono aloha gi gidaadeu: ia ne gave iho dana Dama Daane dagidahi gi henua i lalo, gi maua ai e gidaadeu de mouli i ono hiidinga.

3 John 1:1

Mai i daho tagi hagadubu. Ange gi Gaius, taina hagamogomogo, go de ia oogu e aloha ai i de muna abodonu.