Mark 12:36 - De Beebaa Dabu

³⁶ Gai David ne hagadaba hogi, i ssauaa o de Hagasaalunga Dabu, ‘Tagi Maolunga ne hai ange gi dogu Ia Aamua: Noho i dogu baasi madau ga dae ai gi dagu hai oo hagadaumee gi nnoho i oo lalo.’

Mark 12:36 Iomraidhean Croise

2 Samuel 23:2

De Hagasaalunga o Tagi Maolunga ne hai au gi daalaa ana muna; gai ana muna e daakodo i lo togu ngudu.

Nehemiah 9:30

Gai koe ne golomagi oo lodo i gilaadeu i hanu ngadau lagolago, aama de hagasee gilaadeu i doo Hagasaalunga i daho oo pelaabisi. Aagai gilaadeu tee anga adu gi au muna. Deelaa ai, koe ne dugu ange dangada o denga henua ange laa gi hagadee kii ina gilaadeu.

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Matthew 5:35

be gi hagatoo donu i henua i lalo, i hiidinga go de mommee e dugu ange aagena luoono vae; aabe go Jerusalem, i hiidinga go de aduhale o de Hodooligi maolunga.

Acts 1:16

“Denga daina, muna a de Beebaa Dabu gu hai donu ma gu bei, aanei muna a de Hagasaalunga Dabu gu tala i daho David madagidagi, i dagodo o Judas, taane ne dagina mai dangada ne boogia Iesu.

Acts 28:25

Deelaa ai, gilaadeu gu dee buni, gai gu mavaevae ga hulo gee mai i kilaa, i dua de tala a Paul muna hagaodi nei: “E heohi donu muna a de Hagasaalunga Dabu gu tala ange laa gi odaadeu dubuna madagidagi i daho de pelaabisi go Isaiah:

1 Corinthians 15:25

Go hiidinga Klisdo e dagi naa donu ga dae ai gi dana hagadee kii ono hagadaumee alodahi, ga hai gilaadeu gi nnoho i lalo luoono vae.

2 Timothy 3:16

Muna alodahi o de Beebaa Dabu ne daamada mai i lodo o de Maadua, gai e haigamaiana ange gi de agoago ai, ma de hagakana ange ai, ma de hagaheohi aama de agoago ai gi heohi tangada,

Hebrews 1:13

Gai goai tangada de langi a de Maadua gu hai ange laa, “Noho i dogu baasi madau, ga dae ai gi dagu hai oo hagadaumee go de mommee e dugu ange aagena luoo vae”?

Hebrews 4:7

Gai de Maadua gu hagailonga hogi dahi laangi, ma gu hagaingoo ange go “anailaa nei”. Ia ne hagadaba hogi i daho David i muli mai, bei muna gu lava laa i de tala, “Anailaa nei, noo goodou gu langona dono leo, aagai goodou gi dee hagamakaga ina oodou lodo.”

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.