Mark 12:26 - De Beebaa Dabu

²⁶ Gai dagodo o de mouli age ange o de gau maakau: e aha, goodou tigi dau ange naa donu de beebaa a Moses, i de mommee e sisi ai laa dagodo o de manu somo e ula ai laa de ahi? De Maadua ne hai ange gi Moses, ‘Go au de Maadua o Abraham, ma de Maadua o Isaac, aama de Maadua o Jacob.’

Mark 12:26 Iomraidhean Croise

Genesis 26:24

Gai Tagi Maolunga ne hakide ange gi de ia i de boo laa, ga hai ange, “Go au donu de Maadua o doo damana go Abraham. Aude madagu, go hiidinga au madali goe; au e hagamanuuia naa goe ga hai gi soa doo aamuli, i hiidinga o dogu dangada hai hegau go Abraham.”

Genesis 28:13

Gai Tagi Maolunga e duu i de ulu, gai ia ga hai ange, “Go au go Tagi Maolunga, de Maadua o doo dubuna go Abraham, ma de Maadua o Isaac. Au e gaavadu naa gi de goe ma doo aamuli de gelegele oou e dagodo naa i ono elunga.

Genesis 31:42

Gai noo de Maadua o dogu damana tee noho madali au, go de Maadua o Abraham, go de ia o Isaac e madagu ai laa, gai koe ne hai donu huu au gi ngadi hano. Aagai de Maadua gu gidee dogu hai ngadaa ma dogu hai hegau hagaduasala, gai ia gu hagasee goe anaboo.”

Genesis 32:9

Gai Jacob ne dalodalo ga hai ange, “De Maadua o dogu dubuna go Abraham, ma de Maadua o dogu damana go Isaac, go Tagi Maolunga, koe ne hai mai gi de au, ‘Ahe gi doo henua ma daho oo dangada, gai au e hai naa gi hagadagadaga age goe.’

Genesis 33:20

Gai ia ne bae dahi mommee o ssigidaumaha i kilaa, ga hagaingoo ange go El Elohe Israel.

Exodus 3:16

Gai koe hannoo hagabuni ina denga dagi o Israel, hai ange gi gilaadeu, ‘Iahweh, de Maadua o oodou dubuna madagidagi, go de Maadua o Abraham, ma Isaac, aama Jacob, ne hakide mai gi de au, ga hai mai: Au gu hano iho ma gu gidee mee alodahi gu hai adu gi goodou i Egypt.

Mark 12:10

E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege;

Mark 12:25

De masavaa naa huu olaadeu e mouli age ai, gai gilaadeu e dee hai bodu aabe gaavange gi hai bodu; gilaadeu gu bei dagodo o denga dangada de langi i de langi.

Luke 20:37

Aagai dagodo de mouli age o de gau maakau, Moses gu hagaago mai i de mommee e sisi ai laa dagodo o de manu somo e ula laa, gai ia ne hagahi ange ai Tagi Maolunga go de Maadua o Abraham, ma de Maadua o Isaac, aama de Maadua o Jacob.

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

Romans 11:2

De Maadua tigi tili donu ono dangada, go dangada aana gu iloo laa madagidagi. Goodou e dee iloo laa muna a de Beebaa Dabu e tala ai laa dagodo o Elijah, i dono dalodalo ga hagabaubau ange de gau Israel gi de Maadua?