Mark 12:2 - De Beebaa Dabu

² Gai de masavaa huu o de hagihagi, gai ia ga hai dahi ono dangada hai hegau gi hano gi daho dangada e diiloo ange de veelenga, gi gaavee ai dana diba mai i denga huamanu o de veelenga laa.

Mark 12:2 Iomraidhean Croise

2 Kings 17:13

Gai Tagi Maolunga ne hagakana ange hogi Israel ma Judah i daho denga pelaabisi ma gilaadeu e daalaa mee e loomai, ga hai ange, “Goodou daahuli gee i oodou hegau baubau ma gi daohia agu muna gu tala adu aama agu mee gu hagasauaa, bei dagodo o denga hainga aagu gu tala ange gi oodou dubuna madagidagi gilaadeu gi daudali ai, i daho ogu dangada hai hegau go denga pelaabisi.”

2 Chronicles 36:15

Gai Tagi Maolunga, de Maadua o olaadeu damana, tee modu de gaamai ono dangada hai hegau gi olaadeu daha, go hiidinga ia ne lodo aloha ange gi ono dangada aama dono mommee e noho ai.

Ezra 9:11

go muna aau gu tala i daho oo dangada hai hegau go denga pelaabisi, e hai ange, ‘De henua omaadeu ne loomai nei e henua ai gu hakino gee i dahulinga baubau alodahi a dangada e nnoho ai, gai de henua alodahi gu honu i alaadeu dahulinga hakino gee, mai i dahi bido ga dae ai gi de bido ange laa.

Psalm 1:3

Tangada bee nei e bei de manu somo e doo laa i gaogao denga saalingaa vai; ono hua e hhaa mai i dono masavaa donu, gai ono lau e dee mmae donu. Hegau alodahi aana e hai e ssula danuaa.

Jeremiah 35:15

Au gu dee modu hogi de hai ogu dangada hai hegau, go denga pelaabisi gi loadu gi oodou daha, gi hai adu, ‘Dahi ma dahi gi hano gee mai i ana hegau baubau, ma gi suuia ana dahulinga; gai goodou gi dee daudali ange i denga diinonga, ma de daumaha ange gi gilaadeu, gi maua ai e goodou i de nnoho i de henua, aagu gu gaavadu gi goodou ma oodou dubuna.’ Aagai goodou tee aanga mai aabe ne hagallongo mai gi de au.

Jeremiah 44:4

Gai tee modu donu dagu hai gi loadu ogu dangada hai hegau go denga pelaabisi gi oodou daha, gi hai adu, ‘Goodou aude haia hegau hakino gee oogu e kino ai laa!’

Micah 7:1

Gu vakaa loo au! Au gu bei tangada e hagihagia laa huamanu lleu, ma de ogo i dua de hagihagi o de veelengaa grape; gu deai donu gau looloa grape aagu e gai, gai gu deai hogi hua fig lleu aagu e hiigaina laa.

Zechariah 7:7

E dee aanei muna a Tagi Maolunga gu tala i daho ono pelaabisi i mua, i de masavaa o Jerusalem e honu ai i tangada ma de lava. Gai denga aduhale i luoono baasi, ma de bido gi ngaage aama mommee iai duuduu paa i lalo e nnoho ai hogi dangada.’ ”

Matthew 21:34

Gai de masavaa huu ne maatua ai hua o dana veelenga, gai ia ne hai gi hulo ono dangada hai hegau, gi daho dangada e diiloo ange dana veelenga, gi gaavee ai dana diba mai i denga huamanu.

Mark 12:1

Gai Iesu ne agoago ange dangada i denga mee hagasengasenga, ga hai ange, “E dahi daane ne doo dahi veelengaa grape ga buibui luu baasi, ga geli dahi mommee e kumi ai grape, aama de hagaduu dahi hale dagitilo i kilaa. Gai ia ga dugu ange gi hanu dangada hai veelenga, gai ia ga hano gi dahi henua gee.

Mark 12:3

Gai de gau laa ga poo taane hai hegau laa ga hagailiili ga hai ia gi ahe, teai donu mee ne gaavange gi de ia.

Luke 12:48

Aagai tangada e dee iloo, gai ia ga hai mee e heohi ai dono hagailiilia, e dee kona naa donu dono hagailiili. Gai be goai ne gaavange aagena mee lagolago, aagai e hai naa hogi ia gi gaavange mee lagolago. Gai tangada ne lanea mee ne gaavange gi de ia, e kii ange naa hogi de lanea mee e hai ia gi gaavange.

Luke 20:10

Aagai de masavaa huu o de hagihagi, gai ia ga hai dahi ono dangada hai hegau gi hano gi gaamai dana diba i hua o de veelenga laa. Aagai de gau laa ga daa tangada hai hegau laa ga hai ia gi ngadi ahe, teai donu mee ne gaavange gi de ia.

Hebrews 1:1

Madagidagi gai de Maadua ne basa ange gi odaadeu dubuna i daho denga pelaabisi, i hanonga lagolago ma hagadagodo lagolago,