Mark 12:15 - De Beebaa Dabu

¹⁵ Aagai Iesu gu iloo e ia alaadeu hegau e daahanga ai dangada, gai ia ga hai ange gi gilaadeu, “Gu aha gu llodo ai naa goodou e hagatale au? Gaamai dahi denarius e tilo au.”

Mark 12:15 Iomraidhean Croise

Ezekiel 17:2

“Tama a tangada, haia dahi mee hagasengasenga daalaa ange gi de gau Israel,

Matthew 20:2

Gai ga heloongoi huu gilaadeu ma de gau hai hegau bolo de hagaoanga se dahi denarius i de laangi, gai ia ga hai gilaadeu gi hulo gi hai hegau i dana veelengaa grape.

Matthew 22:18

Aagai Iesu gu iloo alaadeu maanadu vaivai daakodo, ga hai ange, “Goodou ni dangada e daahangadia dangada! Gu aha gu llodo ai naa goodou e hagatale au?

Mark 10:2

Gai hanu Pharisee ne loomai ga hagatale ia, gai gilaadeu ga ssili ange gi de ia, “E heohi de maavae ange o taane gi dono bodu?”

Mark 12:14

Gilaadeu ne loomai ga hai ange gi de ia, “Tangada Agoago, gimaadeu e iloo bolo koe e hai hegau i de mee abodonu, gai koe e dee dagi i daho dangada. Koe e dee vae dangada, aagai e agoago lodo o de Maadua i de mee abodonu. E alaange de hagao ange taagisese gi Caesar aabe deai? E hagao gimaadeu taagisese be deai?”

Mark 12:16

Gai gilaadeu ga gaavange dahi gi de ia. Gai Iesu ga ssili ange gi gilaadeu, “Niioai de ada ma de hagailonga iainei?” Gilaadeu ne hai ange gi de ia, “Niio Caesar.”

Luke 20:23

Gai ia e iloo alaadeu maanadu vaivai daakodo, gai ia ga hai ange gi gilaadeu,

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

John 8:6

Gilaadeu ne ssili ange muna nei e hagatale ai ia, gi hanu ai alaadeu mee e hagabaubau ai ia. Gai Iesu ga ino iho ga daamada de sisi honga de gelegele i dono madannia.

Acts 5:9

Gai Peter ga hai ange gi de ia, “Gu aha gooluu gu hagabuni ai naa e hagatale de Hagasaalunga o Tagi Maolunga? Tilo, iainei gai dangada ne danumia doo bodu gu tuu donu i gaogao de haitoga, gai gilaadeu e kave naa hogi goe ga danu.”

1 Corinthians 10:9

Gidaadeu gi dee hagataalea Tagi Maolunga bei hegau a hanu gilaadeu ne hai, gai gilaadeu ne maakau i de gadigadi a denga labodo hagammau.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.