Mark 11:33 - De Beebaa Dabu

³³ Deelaa ai, gilaadeu ne hai ange gi Iesu, “Gimaadeu e dee iloo.” Gai Iesu ga hai ange gi gilaadeu, “Au e dee tala adu hogi be go hee ne humai ai ssauaa aagu e hai ai nei mee nei.”

Mark 11:33 Iomraidhean Croise

De Beebaa go Job 5:13

Ia e hai naa gi boogia mai gilaadeu i olaadeu heiangi vaivai daakodo, ma de hai alaadeu hagatau vaivai daakodo gi dee ssula.

Isaiah 1:3

De kaau e iloo dono dangada aamua, dahi donkey e iloo de mommee haangai manu a dono dangada aamua; aagai Israel e dee iloo, ogu dangada tigi tonu ange donu.”

Isaiah 56:10

Denga daane dagitilo o Israel e dee kide, gilaadeu alodahi e deai donu olaadeu iloo mee; gilaadeu e bei denga gaaduu e dee pasa, gilaadeu dee maua i de koo; gilaadeu e daakodo ga sseni ma de midi, gilaadeu e llodo mmao e sseni.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Matthew 16:4

De atangada baubau ma tee hai hegau i de mee abodonu e ssala dahi hagailonga, gai e deai ange donu se hagailonga e hagaago ange gi gilaadeu, go de hagailonga donu huu o Jonah.”  Gai ia ga hano gee mai i olaadeu daha.

Matthew 21:27

Gai gilaadeu ga hai ange gi Iesu, “Gimaadeu e dee iloo.” Gai ia ga hai ange gi gilaadeu, “Au e dee tala adu hogi be go hee ne humai ai ssauaa aagu e hai ai nei mee nei.

Mark 11:32

Aagai noo gidaadeu e hai ange, ‘Se mee mai i daho dangada’…” (Gai gilaadeu e maatagu i dangada, i hiidinga dangada alodahi e hagataba bolo a John se pelaabisi donu.)

Mark 12:1

Gai Iesu ne agoago ange dangada i denga mee hagasengasenga, ga hai ange, “E dahi daane ne doo dahi veelengaa grape ga buibui luu baasi, ga geli dahi mommee e kumi ai grape, aama de hagaduu dahi hale dagitilo i kilaa. Gai ia ga dugu ange gi hanu dangada hai veelenga, gai ia ga hano gi dahi henua gee.

John 3:10

Iesu ne hai ange, “Koe se dangada agoago niio de gau Israel, gai koe e dee donu ange gi de mee nei?

John 9:27

Ia ne hai ange gi gilaadeu, “Au gu lava i de tala adu gi goodou, gai goodou tee hagallongo agu muna. Gai gu aha goodou gu llodo ai naa e aahe ange e ssili? Goodou gu llodo naa hogi e hai gi ni dangada agoago niiana?”

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

2 Corinthians 3:15

Gai e bei donu hogi anailaa nei, de masavaa naa huu e dau ai de hainga a Moses, gai e dahi mee e haoli olaadeu lodo.