Mark 10:47 - De Beebaa Dabu

⁴⁷ De masavaa aana ne langona ai bolo Iesu taane Nazareth gu humai, gai ia ga oo ga hai ange, “Iesu, Tama a David, lodo aloha mai gi de au!”

Mark 10:47 Iomraidhean Croise

Isaiah 11:1

Dahi uli e matili age naa i tahido o Jesse; gai dahi laa e somo age naa i dono dahido ga hua.

Matthew 1:1

De beebaa e sisi ai ingoo o dubuna madagidagi o Iesu Klisdo, de hagadiilinga o David, de mogobuna o Abraham:

Matthew 12:23

Gai dangada alodahi gu llele mouli, ga hagataba, “E dee deenei donu Tama a David?”

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Matthew 2:23

i de aduhale go Nazareth. Gai mee nei ne hai e hagassula ai muna gu tala laa i daho denga pelaabisi, e hai ange, “Ia e hagabinga naa bolo se dangada Nazareth.”

Matthew 20:30

Gai tilo, e dogolua daane dee kide e nnoho i gaogao de haiava i kilaa, gai ga langona huu e gilaau bolo Iesu gu humai i de haiava laa, gai gilaau ga hevaalogi ga hai ange, “Tagi Maolunga, Tama a David, lodo aloha mai gi gimaau!”

Matthew 21:11

Gai dangada soa laa ga hai ange, “Deenei Iesu, de pelaabisi mai i Nazareth o Galilee.”

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

Matthew 26:71

Gai de masavaa oona ne sao ai ga hano gi honga de velanda, gai dahi damaa hine hai hegau ange laa ne gidee ia, gai ia ga hai ange gi dangada e tuu i kilaa, “Taane nei se daane donu madali Iesu taane Nazareth.”

Matthew 9:27

De masavaa o Iesu ne seesee ai e hano gee mai i kilaa, gai e dogolua daane dee kide ne daudali ange i de ia, ma de hevaalogi ga hai ange, “Tama a David, lodo aloha mai gi gimaau!”

Mark 1:24

“Ni aha oou e lodo ai i omaadeu daha, Iesu tangada Nazareth? Koe e humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Luke 4:16

Ia ne hano hogi gi Nazareth, go de mommee oona ne madua ai. Gai ia ne hano gi synagogue i de laangi o Sabbath, bei ana hegau e hai i de laa tubua. Gai ia ne duu age e dau de Beebaa Dabu,

John 1:46

Aagai Nathanael ga ssili ange gi de ia, “E maua gi sula age dahi mee danuaa daudahi i Nazareth?” Philip ne hai ange gi de ia, “Humai diiloo.”

John 19:19

Gai Pilate ne sisi dahi mee ga hagapigi age gi ulu de laagau lui, e hai ange, “Iesu taane Nazareth, de Hodooligi o de gau Ssuu.”

John 7:41

Gai hanu ne hagataba, “Deenei donu de Klisdo.” Gai hanu ne ssili, “E maua gi humai de Klisdo i Galilee?

John 7:52

Gai gilaadeu ga hai ange gi de ia, “E aha, koe se dangada Galilee hogi? Saalaa, gai koe e gidee naa bolo tigi ai donu se pelaabisi daudahi ne humai i Galilee.”

Acts 6:14

gimaadeu gu langona ia e hagadaba bolo Iesu taane Nazareth e oha naa de mommee nei, ma de sui denga dahulinga a Moses gu gaamai gi gidaadeu.”

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”