Mark 10:4 - De Beebaa Dabu

⁴ Gilaadeu ne hai ange gi de ia, “Moses ne dugu ange taane gi haia dahi beebaa maavae, ga hai ai de hine gi hano.”

Mark 10:4 Iomraidhean Croise

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Matthew 1:19

Gai dono bodu go Joseph se daane e hai hegau i de mee abodonu. Ia tee lodo e hagadogaa Mary, gai ia ne lodo e hagammuni dono maavae ange gi Mary.

Matthew 19:7

Gilaadeu ne ssili ange hogi gi de ia, “Gai gu aha Moses gu hagadaba ai laa bolo gi gaavange de beebaa maavae ga hai ai ia gi hano?”

Mark 10:3

Iesu ne ssili ange hogi gi gilaadeu, “Gai aahee muna a Moses gu tala adu gi goodou?”