Mark 10:33 - De Beebaa Dabu

³³ Gai ia ga hai ange, “Tilo, gidaadeu ga loage nei gi Jerusalem, gai Tama a Tangada e gaavange naa gi de gau haimeedabu maolunga ma de gau sisi. Gai gilaadeu e hagamodu naa ono muna e daa gi magau, ma de gaavange ia gi denga Gentile,

Mark 10:33 Iomraidhean Croise

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Matthew 16:21

Dua de masavaa laa, gai Iesu ne daamada de tala ange gi ana dangada agoago bolo ia e hano naa gi Jerusalem e hagaduasala ai i daho denga dagi, ma de gau haimeedabu maolunga, aama de gau sisi, gai ia e daa naa gi magau, aagai de hagadolu laangi naa huu gai ia gu mouli age.

Matthew 26:66

Dee hee doodou mee gu hagamodu?” Gilaadeu ne hai ange, “E heohi donu dono daa gi magau.”

Matthew 27:2

Gai gilaadeu ne nnoa ia ga dagi ga kave gi daho de goobenaa go Pontius Pilate.

Mark 14:64

Goodou gu langona dana hagangadi mee de Maadua. Dee hee doodou mee gu hagamodu?” Gai gilaadeu alodahi ne hagamodu e daa ia gi magau.

Mark 15:1

Taiao age gai de gau haimeedabu maolunga ma denga dagi ma de gau sisi, aama de hagabuulinga hagasaele ne nnoa Iesu ga dagi ga kave ga gaavange gi Pilate.

Mark 8:31

Gai Iesu ne daamada de tala ange gi gilaadeu, bolo Tama a Tangada e hagaduasala naa donu i mee lagolago, ma de hagangadi mee ina i daho denga dagi, ma de gau haimeedabu maolunga ma de gau sisi, aama dono daa ga magau, gai dua naa huu e dolu laangi gai ia gu mouli age.

Mark 9:12

Ia ne hai ange gi gilaadeu, “Elijah e humai naa donu i mua, ga hagadabena mee alodahi. Gai gu aha gu sisi ai laa, bolo Tama a Tangada e kona naa donu dono hagaduasala ina, ma dono hagangadi mee ina?

Mark 9:31

go hiidinga ia e agoago ange ana dangada agoago i de masavaa laa. Gai ia ne hai ange gi gilaadeu: “Tama a Tangada gu dai gaavange naa gi ssauaa o dangada, gai gilaadeu e daa naa ia gi magau. Aagai dua naa huu e dolu laangi gai ia gu mouli age.”

Luke 23:21

Aagai gilaadeu tee helui donu de hevaalogi ga hai ange, “Daudau ina ia i de laagau lui! Daudau ina ia i de laagau lui!”

Luke 9:22

Gai ia ga hai ange, “Tama a Tangada e hagaduasala naa ma de hagangadi mee ina i daho denga dagi, ma de gau haimeedabu maolunga, aama de gau sisi, ga daa ga magau, gai de hagadolu laangi naa huu gai ia gu mouli age.”

John 18:28

Gai boo taiao donu huu gai gilaadeu ga dagi mai Iesu i de hale o Caiaphas ga kave gi de Praetorium, go de hale o de goobenaa. Gai de gau Ssuu tee ulu gi lo te mommee laa, kana dee gilimalali naa gilaadeu ga dee maua i de gaimee i Taonga Hagasili.

John 18:32

(De mee nei ne hai e hagassula ai muna a Iesu gu tala ai laa dagodo o dono hai e magau ai.)

John 19:11

Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

Acts 13:27

Gai dangada ne nnoho i Jerusalem ma olaadeu dagi ne hagassula donu muna a denga pelaabisi e dau laa i laangi o Sabbath alodahi, i delaadeu hagabuu ange ssala gi de ia, i hiidinga gilaadeu tee madea ia be ne tonu ange gi muna laa.

Acts 20:22

Gai iainei de Hagasaalunga ⌊Dabu⌋ e usuusu mai au gi hano gi Jerusalem. Gai au e dee iloo be ni aha e hai mai gi de au i kilaa.

James 5:6

Goodou ne hagabaubau ma de daa ga magau tangada tigi haisala, gai ia tee hai baasi adu donu gi goodou.