Mark 10:24 - De Beebaa Dabu

²⁴ Gai ana dangada agoago gu llele olaadeu mouli i ana muna. Gai Iesu ga hai ange gi gilaadeu, “Agu dama, e hai ngadaa mmao de ulu i de nohoanga hodooligi o de Maadua!

Mark 10:24 Iomraidhean Croise

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Psalm 52:7

“Goodou diiloo dagodo o tangada e dee haia de Maadua go dono mommee buibui makaga, aagai dana tali hagalodolodo go ono goloa lagolago, gai ia e hagadaga ange de mmahi i ana hegau baubau.”

Psalm 62:10

Aude hagadonusia denga goloa e hai gi de mahi, aude tali hagalodolodo ange gi denga goloa gaiaa; koe gi dee nnoo ange gi oo goloa, e dee galemu donu de lagolago oo goloa.

Proverbs 11:28

Be goai e tali hagalodolodo ange gi dono lava e hagadaga iho naa, aagai dangada heohi e bei naa de manu somo lau kohu.

Proverbs 18:11

Goloa lagolago o de gau llava go delaadeu aduhale buibui; gai gilaadeu e maanadu bolo e bei de buibui maolunga.

Proverbs 23:5

De masavaa donu huu aau e gidee ai, gai gu dee maaleva, go hiidinga mee nei e llele ga hulo, bei de igele e lele laa ga hano gi lo te moana i lunga.

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Habakkuk 2:9

E vakaa tangada e hagaduulia dono hale i mee e maua i hegau baubau, ma de hili dono hoohanga i de mommee maolunga, gi noho baba ai ia!

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Matthew 19:25

De masavaa huu a ana dangada agoago ne langona ai muna nei, aagai gilaadeu gu llele mouli, ga hagataba, “Goai ai naa e maua gi hagamouli?”

Mark 1:27

Gai dangada alodahi gu llele mouli, ga hagadau pasa i olaadeu magavaa, ga hagataba, “Se aha deenei? Ni agoago hoou? Ia ne basa ange gi denga hagasaalunga baubau i ssauaa, gai gilaadeu ne hagallongo ange gi de ia.”

Mark 10:23

Gai Iesu ne galo ange ga tilo ana dangada agoago, gai ia ne hai ange gi gilaadeu, “E hai ngadaa mmao de ulu o de gau lava, i de nohoanga hodooligi o de Maadua!”

Luke 16:14

Gai denga Pharisee, e nnoo ange laa gi sseene lagolago, ne langona e gilaadeu muna nei, gai gilaadeu ga doo mee i Iesu.

John 13:33

Agu gauligi, gu bodobodo donu dogu masavaa e noho ai i oodou daha. Gai goodou e ssala naa donu au, gai e bei dagu hai gu tala ange ai laa gi de gau Ssuu, gai au e tala adu hogi gi goodou iainei: ‘Goodou e dee maua i de loomai gi dogu mommee ga hano nei aagena.’

John 21:5

Gai Iesu ga hagahi gilaadeu ga hai ange, “Denga gauligi, gu hanu naa oodou mamu ne mau?” Gai gilaadeu ga hai ange gi de ia, “Tigi ai donu.”

John 6:60

Gai ga langona huu e denga dangada agoago soa muna nei, gai gilaadeu ga hagataba, “Ni muna hai ngadaa aanei. Goai e maua i de kave?”

Galatians 4:19

Agu dama, au gu ahe ange hogi ma gu mmae i oodou hiidinga, bei dagodo o de hine e hai ono hagalangona, ga dae ai gi de honu danuaa dagodo o Klisdo i oodou lodo!

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.

1 John 5:21

Agu dama, goodou dagidiiloo gi dee daumaha ange goodou gi denga diinonga.

Revelation 3:17

Go hiidinga koe e hagadaba, ‘Au se dangada lava, au e hagadagadaga age, gai e deai donu se mee daudahi oogu e duasala ai.’ Koe e dee donu iho donu bolo koe e hai ngadaa ma de hagaaloha oo dagodo, ma de hagaau aloha, koe e dee gide ma teai oo malo.