Mark 10:14 - De Beebaa Dabu

¹⁴ Gai de masavaa huu a Iesu ne gidee ai de mee nei, gai ia gu bole, gai ia ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de Maadua.

Mark 10:14 Iomraidhean Croise

Genesis 17:7

Gai au e hai naa dahi hagatoo donu hagaheloongoi e dee ngado mai adu gi de goe, ma doo hagadiilinga e loomai i oo dua, aama olaadeu atangada alodahi, bolo au go doo Maadua aama de Maadua o doo hagadiilinga e loomai i oo dua.

Psalm 78:4

Gidaadeu e dee hagammuni donu mee nei mai i alaadeu gauligi, gai e tala ange gi denga atangada e loomai i muli dagodo hagailonga a Tagi Maolunga, ma dono mahi, aama hegau hagalele mouli aana ne hai.

Isaiah 65:23

Alaadeu hegau gu dee ni ngadi hegau, aabe alaadeu dama e haanau e tuu ange gi de hai ngadaa; gai gilaadeu e hai naa go hagadiilinga a Tagi Maolunga e hagamanuuia, go gilaadeu alodahi ma olaadeu hagadiilinga.

Numbers 14:31

Aagai denga dama oodou e hagataba naa bolo e gaavee naa e oodou hagadaumee, go gilaadeu naa aagu e kave gi tae ma de manuuia i de henua oodou e kino ai naa.

Matthew 18:10

“Goodou dagidiiloo gi dee hagangadi mee ina e goodou dahi dangada maolalo bee nei. Go hiidinga au e hai adu gi goodou, bolo olaadeu dangada de langi e gidee luu mada o dogu Damana i de langi i masavaa alodahi.

Matthew 18:4

Deenei ai, be goai e lodo maolalo bei dagodo o tamaa gauligi nei, gai go ia e maolunga i de nohoanga hodooligi o de langi.

Matthew 19:14

Aagai Iesu ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de langi.”

Matthew 5:10

E manuuia gilaadeu e vaivai haia i hiidinga o de mee heohi; niiolaadeu de nohoanga hodooligi o de langi!

Matthew 5:3

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Mark 3:5

Gai Iesu ga galogalo saele ga tilo gilaadeu ma de lili, ia gu daemaha i hiidinga de makaga olaadeu lodo, gai ia ga hai ange gi taane laa, “Haalo ina doo lima!” Gai taane laa ga haalo dono lima, gai dono lima gu ieiangi.

Mark 8:33

Aagai Iesu ga huli dua ga galo ange gi ana dangada agoago, gai ia ga hagasee Peter, ga hai ange, “Satan, hannoo gi ogu dua! Koe e dee maanadu mee a de Maadua, aagai go mee a dangada!”

John 3:3

Iesu ne hai ange gi de ia, “Ni muna abodonu, ni muna abodonu, aagu e hai adu nei gi de goe: noo tangada e dee haanau hoou, gai ia e dee maua donu gi gidee de nohoanga hodooligi o de Maadua.”

John 3:5

Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

Acts 2:39

De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

Acts 3:25

Goodou go dama a denga pelaabisi, aagai niiodou de hagatoo donu hagaheloongoi a de Maadua ne hai madali oodou maadua madagidagi, bei dana hai gu tala ange ai laa gi Abraham, ‘Henua i lalo alodahi e manuuia naa i hiidinga o doo aamuli.’

Romans 11:16

Noo tiba i mua o de laabunga ne sigidaumaha laa e dabu, gai de laabunga alodahi e dabu hogi; noo denga aga o de manu somo e dabu, aagai denga laa alodahi e dabu hogi.

Romans 11:28

Gai e soa dangada Ssuu gu hai ma gu ni hagadaumee niio de Maadua i oodou hiidinga, i hiidinga delaadeu dee hagadonu de longo danuaa. Aagai gilaadeu ni dangada niio de Maadua e aloha ai, i hiidinga ia ne hili olaadeu dubuna madagidagi.

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

1 Corinthians 7:14

Go hiidinga taane dau bodu e dee hagadonusia laa e hai ga dabu i hiidinga o dono bodu, gai de hine dau bodu e dee hagadonusia laa e hai ga dabu i hiidinga o dono bodu. Noo e dee deenei tagodo, gai oodou dama e dee gilimalali, gai iainei gilaadeu gu hagabinga bolo e dabu.

Ephesians 4:26

Goodou llili aagai gi dee haisala; goodou gi dee daohia doodou llili ga danu ai de laa,

Deuteronomy 4:37

Gai go hiidinga ia e aloha i oodou dubuna madagidagi, deelaa ai, ia ne hili olaadeu aamuli ne haanau i olaadeu dua, gai ia ne hagassao ina mai goodou i Egypt i dono sauaa mmahi,

2 Timothy 1:5

Au e manadua hogi doo gai se muna abodonu laa, ne daamada mai laa i daho doo dubuna hahine go Lois aama doo dinana go Eunice. Gai au e hagadonu bolo e dagodo hogi i oo daha iainei.

2 Timothy 3:15

Gai koe e iloo bolo mai i doo gauligi, gai koe gu iloo muna o de Beebaa Dabu, e maua laa i de gaavadu gi de goe de heiangi e dagina ange laa goe gi de hagamouli i doo gai ange gi Klisdo Iesu.

Joshua 8:35

Gai teai donu se muna daudahi i muna alodahi a Moses gu tala ange gi Joshua tee dau i madamada o de hagabuulingaa dangada o Israel, madali denga haahine ma gauligi, aama de gau henua gee e nnoho laa i olaadeu daha.

1 Peter 2:2

Goodou gi bei dagodo o denga gaagaa, e llodo laa i vai uu o de baasi gi de hagasaalunga e dee hilo laa i hanu mee gee, gi maatua abodonu ai goodou ma de hagamouli,

Revelation 14:5

Gai e deai donu se hadu muna e gidee i olaadeu daha; gai gilaadeu e gilimalali.

1 Samuel 1:11

Gai ia ga hagatoo donu ga hagadaba, “Tagi o denga hagabuulinga hebagi, noo koe e galo mai gi de vaivai haia o doo hahine hai hegau, ma tee ngalo doo hahine hai hegau, aagai gi manadua mai au, ga gaamai gi de au dahi dama daane, gai au e hagaahe adu naa ia gi de goe Tagi Maolunga, i taulooloa dono mouli, gai ngaangaaulu o dono biho e dee tuu donu.”

1 Samuel 1:22

Aagai Hannah tee hano madali gilaadeu, gai ia ne hai ange gi dono bodu, “De masavaa naa huu o tamaa gauligi e dee unuunu ai, gai au ga kave ia gi mada luu mada o Tagi Maolunga, gai ia ga noho i kilaa ga hano ai.”