Mark 1:35 - De Beebaa Dabu

³⁵ Gai Iesu ne oho age i taiao ga hano gi de mommee e deai dangada iai, ga dalodalo ai.

Mark 1:35 Iomraidhean Croise

Psalm 109:4

Gilaadeu e sui mai dogu aloha i de hagabaubau au; aagai au e hagaduu ngae i talodalo.

Psalm 5:3

Tagi Maolunga, koe gi hagalangona dagu dangidangi i taiao, au e hagadabena dagu sigidaumaha adu gi de goe i taiao ma de noho ga tali ⌊doo basa mai⌋.

Matthew 14:13

Gai ga langona huu e Iesu mee laa, gai ia ga gage i de boose ga hano gee mai i kilaa, ga hano gi dahi mommee e deai dangada iai. Aagai dangada soa gu langona, gai gilaadeu ga seesee mai i denga aduhale ga loomai gi ono daha.

Matthew 14:23

Gai ga lava huu i dana hai gi hulo dangada, gai ia ga hanage gi de mounga e dalodalo ai. Gai ga ahiahi huu de mee, gai go ia donu huu e doe i kilaa,

Mark 1:36

Gai Simon ma dangada madali ia ne loomai ga ssala ia,

Luke 5:16

Aagai Iesu e dee modu de hano gi de vao ga dalodalo ai.

Luke 6:12

Dahi laangi ange gai Iesu ne hano gi de mounga e dalodalo ai, gai ia ne dalodalo ange gi de Maadua i de boo laa alodahi.

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

John 6:15

Gai ga iloo huu e Iesu bolo dangada gu paba ange e loomai e hai gi de mahi ia, e hai ai delaadeu hodooligi, gai ia ga hagalilo ange hogi ga hanage sogosogo gi de mounga.

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Philippians 2:5

Gai haia hogi gi dagodo de lodo nei i oodou lodo, go de lodo e dagodo laa i daho Klisdo Iesu:

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.