Mark 1:26 - De Beebaa Dabu

²⁶ Gai de hagasaalunga baubau laa ga hai gu lele age taane laa ma de oo i de leo laumalie, gai ia ga sao mai i daho taane laa.

Mark 1:26 Iomraidhean Croise

Mark 1:25

Aagai Iesu ga hagasee ia, ga hai ange, “Aude basa, gai sao mai i ono daha!”

Mark 1:27

Gai dangada alodahi gu llele mouli, ga hagadau pasa i olaadeu magavaa, ga hagataba, “Se aha deenei? Ni agoago hoou? Ia ne basa ange gi denga hagasaalunga baubau i ssauaa, gai gilaadeu ne hagallongo ange gi de ia.”

Mark 9:20

Gai gilaadeu ga dagi mai tama daane laa gi ono daha. Gai de masavaa huu a de hagasaalunga baubau laa ne gidee ai Iesu, gai ia ga hai gu lele age tama laa i de masavaa laa donu huu, ma de hagabaguu ia gi honga de gelegele, ga hai ia gi dige saele ma de hagasali dono saavale.

Mark 9:26

Aagai de hagasaalunga laa ga oo ma de hai gi lele age tama daane laa, gai ia ga sao ga hano gee mai i ono daha. Gai tama daane laa gu bei dagodo o tangada magau, gai dangada ga hagataba, “Ia gu magau!”

Luke 11:22

Aagai de masavaa naa huu o dahi e mmahi ange laa i de ia e humai ai ga hebagi ange ga hagadee kii ia, gai ia ga kave goloa hebagi a taane laa e tali hagalodolodo ange laa aagena, ga duha ana goloa ne hai gi de mahi.

Luke 9:39

Gai tilo, dahi hagasaalunga baubau e hai gi de mahi ia, gai ia ga oo ma de hai ia gi lele age ga hagasali dono saavale, aama de hagammae ia, gai e hai ngadaa donu de hano gee mai i ono daha!

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.