Mark 1:13 - De Beebaa Dabu

¹³ Gai ia ne noho i de vao i e madahaa laangi, ga hagatale ai i daho Satan, ma de noho madali denga manu aada; gai denga dangada de langi ne loomai ga bale ange ia.

Mark 1:13 Iomraidhean Croise

Exodus 24:18

Gai Moses ne hanage i de mounga ga ulu gi lo te hagausinga laa, ga noho i kilaa i e madahaa laangi ma boo.

Exodus 34:28

Gai Moses ne noho i daho Tagi Maolunga i kilaa i e madahaa laangi ma e madahaa boo; gai ia tee gaimee be ne unu. Gai ia ne sisi ange gi honga luu duu hadu laa muna o de hagatoo donu hagaheloongoi, go de Madaangahulu Hainga.

Matthew 26:53

Koe e hagadaba bolo au e dee maua i de dangidangi ange gi dogu Damana, gai ia ga hai gi loomai iainei donu, dahi hagabuulingaa dangada de langi, e soa ange laa i de madaangahulu ma lua hagabuulinga hebagi?

Matthew 4:1

Gai de Hagasaalunga ⌊Dabu⌋ ne dagi Iesu ga kave gi lodo henua e hagatale ai, i daho de ia hagabaubau laa.

Luke 4:1

Gai Iesu gu honu i de Hagasaalunga Dabu i de masavaa oona ne ahe mai ai i Jordan, gai de Hagasaalunga ne dagi ia ga kave gi de vao.

Deuteronomy 9:11

Gai dua huu de madahaa boo ma de madahaa laangi, gai Tagi Maolunga ga gaamai luu duu hadu laa gi de au, go luu duu hadu e sisi ai laa de hagatoo donu hagaheloongoi.

Deuteronomy 9:18

Gai au ne hano ga dagodo i honga de gelegele i mada luu mada o Tagi Maolunga i e madahaa laangi ma e madahaa boo, bei agu hegau gu hai i mua, au tee gaimee donu be ne unu, i hiidinga haisala alodahi oodou gu haisala ai; goodou gu hai dahi baubau laumalie i mada luu mada o Tagi Maolunga ma gu hai ai ia gi lili.

Deuteronomy 9:25

Gai au ne dagodo i honga de gelegele i mada luu mada o Tagi Maolunga i e madahaa laangi ma e madahaa boo, go hiidinga Tagi Maolunga gu hagadaba bolo ia ga daa goodou gi odi i de maakau.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.