Mark 1:1 - De Beebaa Dabu

¹ Deenei taamada de longo danuaa o Iesu Klisdo, Tama Daane a de Maadua.

Mark 1:1 Iomraidhean Croise

Psalm 2:7

Au e hagailoo hainga a Tagi Maolunga gu hagasauaa; ia ne hai mai gi de au, “Go koe dagu Dama Daane, anailaa nei gai go au doo Damana.

Matthew 14:33

Gai gilaadeu i lo te boose laa ne ino gi lalo ga daumaha ange gi Iesu, ga hai ange, “Ni muna abodonu, go koe donu Tama Daane a de Maadua.”

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Matthew 3:17

Gai tilo, de leo mai i de langi ne hagadaba, “Deenei dagu Dama Daane hagamogomogo, au e malangilangi i de ia.”

Matthew 4:3

Gai de ia hagatale ne humai ga hai ange gi de ia, “Noo go koe donu Tama Daane a de Maadua, gai koe haia hadu nei gi ni duudangaa pelaoaa.”

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:34

Gai au ne gidee de hai mee nei, ma de tala hagadonu bolo go ia donu Tama Daane a de Maadua.”

John 1:49

Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

John 6:69

Gimaadeu gu hagadonusia ma de iloo bolo go koe donu de Ia Dabu a de Maadua.”

Acts 1:22

mai i de masavaa a John ne babudaisi ai ga dae ai gi de laangi o Iesu ne gaavee gee ai i odaadeu daha ga gaavage gi lunga — dahi gilaadeu nei e hai gi se dangada e daalaa hagadonu dagodo o dono mouli age madali gidaadeu.”

Acts 13:24

I mua de humai o Iesu, gai a John ne agoago ange dangada o Israel alodahi, i dagodo o de dahuli o de lodo aama de babudaisi.

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?