Luke 9:54 - De Beebaa Dabu

⁵⁴ Gai de masavaa a luu dangada agoago go James ma John ne gidee ai de mee laa, gai gilaau ga ssili ange, “Tagi Maolunga, koe e lodo gimaau gi hagahia iho de ahi mai i de langi, gi daia gilaadeu gi maakau [bei hegau a Elijah ne hai]?”

Luke 9:54 Iomraidhean Croise

2 Samuel 16:9

Gai Abishai, tama daane a Zeruiah, ne hai ange gi de hodooligi, “Dogu dangada aamua go de hodooligi, gu aha gu dugu ange ai naa goe de gaaduu magau naa gi hagamalaia ina goe? Dugua mai gai au ga hano e tuu dono ua!”

2 Samuel 21:2

Gai de hodooligi ga hagahi de gau Gibeon gi loomai gi ono daha. (De gau Gibeon e dee ni dangada Israel, aagai ni dangada e doe mai i de gau Amor. Gai de gau Israel ne hagatoo donu bolo gilaadeu e dee daa gi maakau de gau Gibeon, aagai a Saul ne hagatale de daa gilaadeu gi odi, i hiidinga dono lodo mmahi i de bale ange Israel ma Judah.)

2 Kings 1:9

Gai de hodooligi ne hai ange hogi dahi dagi o tinolima ma ono daane gi hulo gi daho Elijah. Gai tagi laa ne hanage gi daho Elijah, i de masavaa oona e noho ai i honga de mounga, ga hai ange gi de ia, “Taane o de Maadua, e hagadaba de hodooligi, ‘Ahe iho gi lalo!’ ”

2 Kings 10:16

Gai Jehu ne hai ange, “Humai madali au e tilo ai goe ogu mahi i hiidinga o Tagi Maolunga.” Gai ia ga hagauda Jehonadab madali ia i lo tono hada hebagi ga hulo ai gilaau.

2 Kings 10:31

Aagai Jehu tee kana ange e daohi hainga a Tagi Maolunga, de Maadua o Israel, i ono lodo alodahi. Ia tee hano gee i haisala o Jeroboam, go mee aana ne hagahaisala ai de gau Israel.

Ecclesiastes 3:3

e dahi masavaa e daa ai gi maakau, gai e dahi hogi masavaa e hagaieiangi ai; e dahi masavaa e oha ai, gai e dahi hogi masavaa e hagaduu age ai;

Mark 3:17

ma James tama daane a Zebedee ma dono daina go John (aanei gilaau e hagaingoo ange laa go Boanerges, e bei “Dama a de hatuli”),

Luke 9:55

Aagai Iesu ga huli dua ga hagasee gilaau.

Revelation 13:13

Gai de lua manu alasala laa ne hai denga hagailonga nnui, gai ne hai donu hogi ga hano iho de ahi i de langi gi henua i lalo i madamada o dangada,

Revelation 13:3

Gai dahi biho o de manu alasala laa e dagodo be gu lagohia ma gu dai magau, aagai dono maanuga gu mahu. Gai henua i lalo alodahi ga daudali ange i de manu laa, i hiidinga de llele olaadeu mouli.