Luke 9:44 - De Beebaa Dabu

⁴⁴ “Hagalaangona gi tonu ange goodou gi muna nei: Tama a Tangada e dugu ange naa gi ssauaa o dangada.”

Luke 9:44 Iomraidhean Croise

2 Samuel 24:14

Gai David ga hai ange gi a Gad, “Au gu duu ange gi dahi hai ngadaa laumalie. Au e dugu ange au gi Tagi Maolunga gi hagaduasala ina, go hiidinga dono lodo aloha e laumalie mmao; aagai au gi dee hagaduasala i daho dahi dangada.”

Matthew 16:21

Dua de masavaa laa, gai Iesu ne daamada de tala ange gi ana dangada agoago bolo ia e hano naa gi Jerusalem e hagaduasala ai i daho denga dagi, ma de gau haimeedabu maolunga, aama de gau sisi, gai ia e daa naa gi magau, aagai de hagadolu laangi naa huu gai ia gu mouli age.

Matthew 26:2

“Goodou e iloo bolo e lua ange donu huu laangi i mua Taonga Hagasili, gai Tama a Tangada e gaavange naa e daudau i de laagau lui.”

Mark 8:31

Gai Iesu ne daamada de tala ange gi gilaadeu, bolo Tama a Tangada e hagaduasala naa donu i mee lagolago, ma de hagangadi mee ina i daho denga dagi, ma de gau haimeedabu maolunga ma de gau sisi, aama dono daa ga magau, gai dua naa huu e dolu laangi gai ia gu mouli age.

Mark 9:31

go hiidinga ia e agoago ange ana dangada agoago i de masavaa laa. Gai ia ne hai ange gi gilaadeu: “Tama a Tangada gu dai gaavange naa gi ssauaa o dangada, gai gilaadeu e daa naa ia gi magau. Aagai dua naa huu e dolu laangi gai ia gu mouli age.”

Luke 1:66

Gai dangada alodahi ne langona mee laa ne maanadu dagodo o mee laa, ga hagataba, “Aahee naa dagodo o tamaa gauligi nei i muli mai?” Gai Tagi Maolunga ne noho i daho John.

Luke 18:31

Iesu ne hagahi hogi tinoangahulu ma dogolua, ga hai ange gi gilaadeu, “Tilo, gidaadeu ga hulo gi Jerusalem, gai mee alodahi gu sisi laa i daho denga pelaabisi i dagodo o Tama a Tangada e hagassula naa donu.

Luke 2:19

Aagai Mary ne daohi ma de hagasaele mee nei alodahi i ono lodo.

Luke 2:51

Gai Iesu ga hano madali gilaau gi Nazareth ga hagallongo ange gi gilaau. Aagai dono dinana ne daohi ma de hagasaele mee laa alodahi i ono lodo.

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Luke 9:22

Gai ia ga hai ange, “Tama a Tangada e hagaduasala naa ma de hagangadi mee ina i daho denga dagi, ma de gau haimeedabu maolunga, aama de gau sisi, ga daa ga magau, gai de hagadolu laangi naa huu gai ia gu mouli age.”

John 16:31

Iesu ne ssili ange gi gilaadeu, “Goodou gu hagadonusia naa iainei?

John 16:4

Au gu tala adu de mee nei gi goodou, gi manadua ai e goodou i de dae mai de masavaa laa, bolo au gu tala adu mee nei gi goodou. Au tee tala adu de mee nei i taamada age, go hiidinga au goi noho huu i oodou daha.

John 19:11

Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

Hebrews 2:1

Deenei ai, gidaadeu ga kana ange e hai hegau i mee adaadeu gu langona, kana daahuli gee gidaadeu i mee nei.