Luke 9:43 - De Beebaa Dabu

⁴³ Gai dangada alodahi gu llele mouli i ssauaa mmahi o de Maadua. De masavaa ne llele ai mouli o dangada i hegau hugadoo a Iesu gu hai laa, gai ia ga hai ange gi ana dangada agoago,

Luke 9:43 Iomraidhean Croise

Psalm 139:14

Au e hagaahe adu de abodonu gi de goe i dau hai ne hai ai au; go hiidinga e hagamaatagu ma de hagalele mouli mmao, au hegau e hagalele mouli mmao, gai au e iloo donu de mee nei.

Zechariah 8:6

E hagadaba Tagi o denga hagabuulinga hebagi: De mee nei se mee donu hai ngadaa i daho dangada e doe i laangi laa, aagai e aha, se mee hai ngadaa de mee nei i ogu daha? go Tagi o denga hagabuulinga hebagi e hagadaba.

Matthew 17:22

De masavaa olaadeu ne hagabuni ai i Galilee, gai Iesu ga hai ange gi gilaadeu, “Tama a Tangada e dugu ange naa gi ssauaa o dangada,

Mark 6:51

Gai ia ga gage age gi olaadeu daha i lo te boose, gai de madangi gu sili. Gai ana dangada agoago gu llele mouli,

Luke 18:43

De masavaa laa donu huu gai taane laa gu gide, gai ia ga daudali ange i Iesu, ga tuhi ai de Maadua. Gai ga gidee huu e dangada alodahi de hegau laa, gai gilaadeu ga tuhi de Maadua.

Luke 4:36

Gai dangada alodahi gu llele mouli ga hagataba i olaadeu magavaa, “Ni muna bee hee aanei? Ia ne basa ange gi hagasaalunga baubau laa i ssauaa aama de mmahi, aagai gilaadeu ga ssao ga hulo gee!”

Luke 5:26

Gai dangada alodahi gu llele mouli ga tuhi de Maadua aama de maatagu mmao, ga hagataba, “Gidaadeu gu gidee hanu mee hagalele mouli anailaa nei!”

Luke 5:9

Gai Simon ma ono soa gu llele mouli mmao i de lagolago alaadeu mamu ne mau,

Luke 8:25

Ia ne hai ange hogi gi ana dangada agoago, “I hee ai oodou kai?” Gai gilaadeu gu llele mouli ma de maatagu ga hagataba i olaadeu magavaa, “Goai taane nei? Ia ne hagasee de madangi ma beau gai gilaau gu hagallongo ange gi de ia!”

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.

2 Peter 1:16

Gai gimaadeu tee tala adu hanu ngadi daalanga, i de masavaa amaadeu ne tala adu ai dagodo o ssauaa ma de ahe mai o taadeu Dagi Maolunga go Iesu Klisdo, aagai gimaadeu ne gidee donu dagodo o dono mahamaha.