Luke 9:38 - De Beebaa Dabu

³⁸ Gai tilo, e dahi daane i magavaa o dangada ne oo, ga hai ange, “Tangada Agoago, au e dangidangi adu koe gi galo ange diiloo dagodo o dagu dama daane, i hiidinga go ia donu huu dagu dama.

Luke 9:38 Iomraidhean Croise

Genesis 44:20

Tangada aamua, gimaadeu ne hai adu gi de goe, ‘Gimaadeu e dahi omaadeu damana, ia gu madumadua, ma dahi daina daane gauligi, se dama niiana ne hagadili i de masavaa oona gu madumadua ai. Dono daina daane gu magau, gai go tama nei donu huu e doe i dama a dono dinana; gai dono damana e kona donu de aloha i de ia.’

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Luke 7:12

Gai ga dae huu Iesu gi de haitoga o de aduhale laa, gai ia gu gidee dangada soa e saabai dahi daane magau e kave e danu, gai se dama dagidahi nii dahi hahine gu magau dono bodu. Gai e soa hogi dangada mai i de aduhale ne loomai madali de hine laa.

Luke 9:37

Taiao age i de masavaa olaadeu ne aahe iho ai i de mounga, gai dangada soa gu loomai e hedae ange gi Iesu.

Luke 9:39

Gai tilo, dahi hagasaalunga baubau e hai gi de mahi ia, gai ia ga oo ma de hai ia gi lele age ga hagasali dono saavale, aama de hagammae ia, gai e hai ngadaa donu de hano gee mai i ono daha!

John 4:47

Gai ga langona huu e ia bolo Iesu gu humai i Judea gi Galilee, gai ia ga hano ga dangidangi ange ia gi humai gi hagaieiangi ina dana dama, go hiidinga ia gu baa ange donu gi de magau.