Luke 9:3 - De Beebaa Dabu

³ Ia ne hai ange gi gilaadeu, “Goodou aude gaavee dahi mee daudahi madali goodou: goodou e dee kave oodou dogo, be ni beagi, be ni gai, aabe ni sseene, goodou e dee kave hogi e dagilua malo gahugahu.

Luke 9:3 Iomraidhean Croise

Psalm 37:3

Koe gi hagadonusia Tagi Maolunga ma de hai tanuaa; gai koe ga noho baba i honga de henua ga gaimee ai.

Mark 6:7

Aagai ia ne hagahi tinoangahulu ma dogolua ga hai gilaadeu gi hulo dagi dogolua, ma de gaavange gi gilaadeu ssauaa e hai ai gi hulo gee denga hagasaalunga baubau.

Luke 12:22

Iesu ne hai ange gi ana dangada agoago, “Deenei ai, au e hai adu gi goodou, goodou aude manavasaa i oodou mouli, ma oodou mee e gai, aabe gi manavasaa i oodou angaanga, i mee oodou e kahu ai.

Luke 12:28

Aagai noo de Maadua e hakahu denga helii, e mouli laa ailaa nei i lo te duu malaelae, gai daiao gu tili ange gi lo te ahi, gai dee hee maa naa de kii ange dana lodo e hakahu goodou — goodou e vaaligiligi oodou kai!

Luke 22:35

Iesu ne ssili ange hogi gi ana dangada agoago, “De masavaa aagu ne hai ai laa goodou gi hulo gai goodou tee kave oodou mee hhao sseene, aabe ni beagi, aabe ni mee vae, gai goodou ne duasala laa i dahi mee be teai?” Gilaadeu ne hai ange gi de ia, “Teai.”

Luke 3:11

John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

Luke 5:29

Gai Levi ne hai ange dahi daonga laumalie gi Iesu i dono hale; gai ne soa hogi dangada hagabudu taagisese ma dangada ange laa ne nnoho ga gaimee i teebele madali gilaadeu.

Luke 9:4

Gai dee hee naa huu doodou hale e hulo ga nnoho ai, gai goodou nnoho donu huu i kilaa ga dae ai gi doodou hulo gee mai i de aduhale laa.

2 Timothy 2:4

E deai donu se daane e hagadee saohia ange ia gi hegau i de laa tubua, i de masavaa o de hebagi, gai dana mee e hai go de hagamalangilangi donu huu dono dagi.