Luke 9:22 - De Beebaa Dabu

²² Gai ia ga hai ange, “Tama a Tangada e hagaduasala naa ma de hagangadi mee ina i daho denga dagi, ma de gau haimeedabu maolunga, aama de gau sisi, ga daa ga magau, gai de hagadolu laangi naa huu gai ia gu mouli age.”

Luke 9:22 Iomraidhean Croise

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Matthew 17:12

Aagai au e hai adu gi goodou, Elijah gu humai donu, gai gilaadeu tee madea ia. Gai gilaadeu ne hai ange gi de ia mee alodahi alaadeu ne llodo e hai ange gi de ia. Gai e bei ai hogi, dangada e hagaduasala naa Tama a Tangada.”

Matthew 17:22

De masavaa olaadeu ne hagabuni ai i Galilee, gai Iesu ga hai ange gi gilaadeu, “Tama a Tangada e dugu ange naa gi ssauaa o dangada,

Matthew 27:63

ga hai ange gi de ia, “Tangada aamua, gimaadeu gu manadua bolo taane ne daahangadia laa dangada, ne hagadaba i dono masavaa e mouli ai, ‘Dua naa huu e dolu laangi, gai au gu mouli age.’

Mark 8:31

Gai Iesu ne daamada de tala ange gi gilaadeu, bolo Tama a Tangada e hagaduasala naa donu i mee lagolago, ma de hagangadi mee ina i daho denga dagi, ma de gau haimeedabu maolunga ma de gau sisi, aama dono daa ga magau, gai dua naa huu e dolu laangi gai ia gu mouli age.

Mark 9:31

go hiidinga ia e agoago ange ana dangada agoago i de masavaa laa. Gai ia ne hai ange gi gilaadeu: “Tama a Tangada gu dai gaavange naa gi ssauaa o dangada, gai gilaadeu e daa naa ia gi magau. Aagai dua naa huu e dolu laangi gai ia gu mouli age.”

Luke 17:25

Aagai ia e hagaduasala naa ma de hagangadi mee ina i mua i daho de atangada nei.

Luke 24:26

E aha, de Klisdo e dee hagaduasala naa i mee nei alodahi, i mua dana kave dono mahamaha?”

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Luke 24:7

bolo Tama a Tangada e gaavange naa gi de gau haisala ma de daudau i de laagau lui, gai ia e mouli age naa i de hagadolu laangi.”

Luke 9:44

“Hagalaangona gi tonu ange goodou gi muna nei: Tama a Tangada e dugu ange naa gi ssauaa o dangada.”

1 Corinthians 15:4

ia ne danu, gai ne mouli age i dua e dolu laangi bei de hai gu sisi ai laa i de Beebaa Dabu,

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.