Luke 9:11 - De Beebaa Dabu

¹¹ Aagai ga iloo huu e dangada soa, gai gilaadeu ga daudali ange i de ia. Gai ia ga abodonu ange gi gilaadeu ma de agoago ange gilaadeu i dagodo o de nohoanga hodooligi o de Maadua, ma de hagaieiangi gilaadeu e mmagi.

Luke 9:11 Iomraidhean Croise

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Matthew 12:15

Iesu ne iloo e ia de mee nei, gai ia ga hano gee mai i kilaa, aagai ne soa dangada ne daudali ange i de ia. Aagai ia ga hagaieiangi denga magi alodahi.

Matthew 14:14

Gai ga dae huu Iesu gi de mommee laa ga hanage gi uda, gai ia gu gidee dangada soa mmao, aagai ia gu lodo aloha i gilaadeu ga hagaieiangi alaadeu magi.

Matthew 21:31

Goai de gilaau ne haia lodo o dono damana?” Gilaadeu ne hai ange, “Go tama madua.” Iesu ne hai ange gi gilaadeu, “Ni muna abodonu aagu e hai adu nei gi goodou, de gau hagabudu taagisese ma denga haahine hai be ni manu, e ulu i de nohoanga hodooligi o de langi i oodou mada i mua.

Matthew 21:43

Deenei ai, au e hai adu gi goodou, de nohoanga hodooligi o de langi e kave gee naa i oodou daha, ga gaavange gi de huaahenua e hai hegau i de heohi. [

Luke 1:53

Ia gu haangai gilaadeu e hiikai i mee danuaa, gai gu hai gi ngadi hulo gilaadeu e lava teai alaadeu mee.

Luke 5:31

Iesu ne hai ange gi gilaadeu, “De gau mmahi e dee ssala tangada hai magi, aagai go gilaadeu e mmagi e saalaa ia.

Luke 8:1

Dua mee laa gai Iesu ne hano ga hagadaga i denga aduhale nnui ma aduhale vaaligiligi ga agoago ai, ma de hagadele de longo danuaa o de nohoanga hodooligi o de Maadua. Gai tinoangahulu ma dogolua ne hulo madali ia,

Luke 8:10

Ia ne hai ange, “Gu dugu adu gi goodou gi maua i de tonu ange, gi mee o de nohoanga hodooligi o de Maadua e dee iloo laa, aagai e tala ange donu huu gi dangada ange laa i muna hagasengasenga; ‘gi gidee ai e gilaadeu gai e dee madea, gai gi langona ai e gilaadeu gai e dee tonu ange aagena.’

Luke 9:10

De masavaa o de gau tala ne aahe mai ai, gai gilaadeu ga tala ange gi de ia mee alodahi alaadeu ne hai. Aagai Iesu ga kave gilaadeu madali ia ga hulo ai gi de aduhale e hagaingoo ange laa go Bethsaida.

Luke 9:12

Gai ga dai boo huu de mee, gai tinoangahulu ma dogolua ga hai ange gi Iesu, “Haia gi hulo dangada soa nei gi denga aduhale ma mommee nnoho e paa mai nei gi sseni ai, ma de ssala ai alaadeu gai, go hiidinga se lodo henua odaadeu iainei.”

Luke 9:2

gai ia ne hai gilaadeu gi hulo gi agoago i dagodo o de nohoanga hodooligi o de Maadua aama de hagaieiangi denga magi.

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

Acts 28:31

Gai ia ne lodo mmahi i de agoago i dagodo o de nohoanga hodooligi o de Maadua aama dagodo o Tagi Maolunga go Iesu Klisdo — gai teai donu mee ne buibui ina ia.

Romans 10:14

Dee hee de hai a dangada e hagahi ange ai de ia alaadeu tigi hagadonusia laa? Gai dee hee de hai a dangada e hagadonusia ai de ia, alaadeu tigi langona ono dagodo? Gai dee hee de hai a dangada e langona ai noo tigi ai se dangada ne agoagona ange gilaadeu?

Romans 10:17

Deenei ai, de gai e daamada mai i taadeu langona de muna, go de agoago o de longo danuaa o Klisdo.

Romans 15:3

Go hiidinga Klisdo tee hagamalangilangi donu huu ia, gai gu sisi e hai ange, “Gilaadeu e hagadogaa ina goe, e hagadogaa donu hogi au.”

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

Hebrews 4:16

Deenei ai, gidaadeu gi lo taane i de loomai e hagapaa ange gi de nohoanga o de abodonu laa, gi maua ai e gidaadeu i de kave de abodonu ma tegi e bale mai ai gidaadeu i de masavaa odaadeu e duasala ai.