Luke 8:54 - De Beebaa Dabu

⁵⁴ Gai Iesu ga poo de lima o tamaa hine laa ga hagahi ange ia, ga hai ange, “Tamaa hine, hidi age!”

Luke 8:54 Iomraidhean Croise

Jeremiah 31:32

Gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, go hiidinga gilaadeu ne oha dagu hagatoo donu hagaheloongoi, e dee galemu donu go au delaadeu dangada aamua, go Tagi Maolunga e hagadaba.

Matthew 9:25

Gai ga lava huu i dana hai de gau soa laa gi hulo gi duaahaho, gai ia ga ulu gi lodo ga poo de lima o de gauligi hahine laa, gai ia gu mouli age.

Mark 1:31

Gai ia ga hano ga poo dono lima ga hagahidi age ia, gai dono angaanga gu dee vvela. Gai de hine laa ga hidi age ga hai ange hanu gai e gaimee ai gilaadeu.

Mark 8:23

Gai ia ga poo de lima o taane dee gide laa ga dagi ia gi tua de aduhale. Gai ia ga saavale ange gi luoono mada ma de dugu ange dono lima gi ono elunga, ga ssili ange gi de ia, “Gu hanu naa au mee ne gidee?”

Mark 9:27

Aagai Iesu ga poo dono lima ga hagahidi age ia, gai ia gu hidi ga duu gi lunga.

Luke 8:51

Gai ga dae huu ia gi de hale laa, gai ia tee dugu ange hanu dangada gee gi ulu madali ia, go Peter donu huu ma James ma John, aama luu maadua o tamaa hine laa.

Luke 8:53

Aagai dangada ga kada i ana muna, go hiidinga gilaadeu e iloo bolo tamaa hine laa gu magau.

Luke 8:55

Gai dono hagasaalunga gu ahe mai gi de ia, gai ia ga hidi age i de masavaa laa donu huu. Gai Iesu ga hagadaba bolo gi gaavange hanu mee e gai tamaa hine laa.

John 11:43

Gai ga lava huu i dana tala muna laa, gai ia ga oo i de leo mmahi ga hai ange, “Lazarus, sao mai.”

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

Acts 9:40

Aagai Peter ga hai gilaadeu alodahi gi ssao gi duaahaho, gai ia ga duuduli ga dalodalo, gai ia ga huli ange gi de angaanga, ga hai ange, “Tabitha, hidi age.” Aagai de hine laa gu aala luoono mada, gai de masavaa huu aana ne gidee ai Peter gai ia ga noho age gi lunga.

Romans 4:17

Gai gu sisi e hai ange, “Au gu hai goe go tamana o denga huaahenua soa”  — i mada luu mada o de Maadua aana ne hagadonusia laa, go de Maadua e gaavange laa de mouli gi gilaadeu e maakau ma de basa ga hai gi hanu mee tigi ai laa.