Luke 8:52 - De Beebaa Dabu

⁵² Gai dangada alodahi i kilaa e tangi ma de tangi see i hiidinga o tamaa hine laa. Aagai Iesu ga hai ange, “Goodou aude tangi, tamaa hine nei tigi magau donu, ia e seni donu huu!”

Luke 8:52 Iomraidhean Croise

Genesis 23:2

Gai ia ne magau i Kiriath Arba (e bei, go Hebron) i de henua go Canaan. Gai Abraham ne hano e hinangalosaa, ma de dangi i dono bodu.

2 Samuel 18:33

Gai de hodooligi gu bolebole, gai ia ga hanage gi de aabi i honga de haitoga o de buibui ga dangi ai. Gai ia ne hano ma de dangi ga hagadaba, “E Absalom, dagu dama, dagu dama go Absalom! Mee naa go au ne magau e dee go koe! E Absalom, dagu dama, dagu dama!”

Exodus 24:17

Gai de gau Israel ne gidee de mahamaha o Tagi Maolunga bei dagodo o de ahi ula i ulu de mounga.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Matthew 11:17

‘Gimaadeu e hagadangidangi i denga flute, gai goodou e dee aanu! Gimaadeu e hua taahili o de magau, gai goodou e dee hinangalosaa!’

Luke 23:27

Gai dahi hagabuulingaa dangada soa ne daudali ange i de ia, madali denga haahine e hinangalosaa laa ma de tangi i ono hiidinga.

Luke 23:48

Aagai dangada soa ne hagabuni mai laa e tilo mee gu hai laa, ga hagailiili olaadeu hadahada ga ahe gi olaadeu hale.

Luke 8:51

Gai ga dae huu ia gi de hale laa, gai ia tee dugu ange hanu dangada gee gi ulu madali ia, go Peter donu huu ma James ma John, aama luu maadua o tamaa hine laa.

Luke 8:53

Aagai dangada ga kada i ana muna, go hiidinga gilaadeu e iloo bolo tamaa hine laa gu magau.

John 11:4

Gai ga langona huu e Iesu de mee laa gai ia ga hagadaba, “De magi nei e dee duu ange gi de magau, gai se hai e hagamahamaha ai de Maadua, gai gi hagamahamaha ai hogi Tama Daane a de Maadua i de mee nei.”