Luke 8:44 - De Beebaa Dabu

⁴⁴ Ia ne humai gi dua o Iesu ga poo ange huga o dono malo, gai de masavaa laa donu huu gai gu tuu de ssali ono dodo.

Luke 8:44 Iomraidhean Croise

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Matthew 20:34

Gai Iesu gu lodo aloha i gilaau ga poo ange olaau mada, de masavaa laa donu huu gai olaau ganomada gu ieiangi, gai gilaau ga daudali ange i Iesu.

Matthew 8:3

Gai ia ga haalo dono lima ga poo ange ia, ga hai ange. “Au e lodo, koe gu gilimalali!” De masavaa laa donu huu gai taane laa gu ieiangi.

Matthew 9:20

Gai e dahi hahine ne magi dodo i e madaangahulu ma lua ngadau, ne humai gi ono dua ga poo ange huga o dono malo.

Mark 6:56

Gai mommee alodahi o Iesu ne hano aagena, go aduhale vaaligiligi ma aduhale nnui, aama mommee i tua de aduhale, gai dangada ne hagadaakodo denga magi i denga mommee hagao mee. Gai gilaadeu ga dangidangi ange ia gi dugua ange denga magi, gi boogia ange de bido o dono malo, gai dangada alodahi ne boogia ange dono malo gu ieiangi.

Luke 13:13

Aagai Iesu ga dugu ange luoono lima gi ono elunga, gai de hine laa gu maua i de duu gi soe gi lunga, aagai ia ga tuhi de Maadua.

Luke 7:38

gai ia ne humai ga duu i ono dua i gaogao luoono vae ga dangi ai, gai ia ga daamada de hhui luoono vae i ono loimada, ga hagammasa i ono ngaangaaulu, aama de osooso luoono vae ga hagamanongi i de vai laa.

Luke 8:43

Gai e dahi hahine ne magi dodo i e madaangahulu ma lua ngadau; ia ne gaavange ana mee alodahi gi de gau hai magi, gai teai donu se gilaadeu ne maua i de hagaieiangi ia.

Luke 8:45

Gai Iesu ga ssili ange, “Goai ne boogia mai nei au?” Gai ga deai huu dangada e pasa ange, gai Peter ga hai ange, “Tangada Aamua, e soa mmao dangada e duuli ina luoo baasi ma de hagakabi ina goe.”

John 5:13

Aagai taane gu ieiangi laa e dee iloo e ia be goai taane laa, i hiidinga Iesu gu hano gi magavaa o dangada soa laa.

Acts 19:12

gai dangada ne kave denga hangiseebe ma malo o Paul ga dugu ange gi honga o denga magi, gai gilaadeu gu ieiangi, gai denga hagasaalunga baubau gu ssao ga hulo gee mai i daho dangada.

Acts 5:15

Deelaa ai, dangada gu gaamai de gau mmagi gi gaogao denga haiava ga hagadaakodo ai i honga olaadeu moenga ma honga hagahala, gi hanange ai de ada o Peter gi honga o hanu gilaadeu i de masavaa oona e seesee mai ai laa kilaa.

Deuteronomy 22:12

Koe e dee hai hanu huga malo hagalaagii i denga dege e haa o doo malo e haoli ai.