Luke 8:43 - De Beebaa Dabu

⁴³ Gai e dahi hahine ne magi dodo i e madaangahulu ma lua ngadau; ia ne gaavange ana mee alodahi gi de gau hai magi, gai teai donu se gilaadeu ne maua i de hagaieiangi ia.

Luke 8:43 Iomraidhean Croise

2 Chronicles 16:12

Gai de matolu ma siva huu ngadau o Asa ne hodooligi ai, gai luoono vae gu iai de magi. Gai de masavaa donu ne kona ai dono magi, gai ia tee ssala donu Tagi Maolunga, aagai ne ssala de gau hai magi gi balea ange ia.

De Beebaa go Job 13:4

Aagai goodou e haoli goodou i oodou muna hhadu; goodou alodahi ni dangada hai magi dee haigamaiana!

Psalm 108:12

Balea mai gimaadeu e hebagi ange ai gi de hagadaumee, go hiidinga de bale mai i daho dangada e deai ono haigamaiana.

Isaiah 2:22

Aude tali hagalodolodo ange gi dangada, e manavanava laa i luoono bongaa usu. Gai ni aha naa donu aau e mau ai?

Mark 12:44

Go hiidinga de gau ange laa alodahi ne hhao ange alaadeu mee mai i alaadeu mee lagolago; aagai de hine hagaau aloha laa ne hhao ange mee alodahi oona e mouli ai.”

Mark 9:18

Gai de masavaa naa huu a de hagasaalunga e hagaduasala ai ia, gai ia ga hagabaguu gi honga de gelegele, ga hagasali dono saavale ma de kadi ono gauvae, aama de hagamakaga dono angaanga. Gai au ne dangidangi ange gi au dangada agoago, gilaadeu gi haia gi hano gee de hagasaalunga laa, gai gilaadeu tee maua.”

Luke 13:11

Aagai e dahi hahine i kilaa gu iai de hagasaalunga baubau i e madaangahulu ma valu ngadau, gai ia e gogo gi mua gu dee maua i de duu gi soe gi lunga.

Luke 13:16

Gai de hine nei se dama donu nii Abraham gai ne noodia e Satan i e madaangahulu ma valu ngadau; gai e dee kii ange laa de heohi de hai gi ilaage de hine nei mai i dono magi i de laangi o Sabbath?”

Luke 8:27

Gai de masavaa o Iesu ne hanage ai gi uda, gai ia gu hedae ange gi dahi daane iai denga hagasaalunga baubau mai i de aduhale. Gai gu daulooloa dono dee gahu aama tee noho i lodo hale, aagai e noho i magavaa denga daanunga.

Luke 8:42

go hiidinga e dahi donu huu ana damaa hine, ia gu madaangahulu ma lua ono ngadau, gai ia gu dai magau. De masavaa o Iesu e seesee ai e hano, gai dangada soa gu hagakabi luoono baasi.

Luke 8:44

Ia ne humai gi dua o Iesu ga poo ange huga o dono malo, gai de masavaa laa donu huu gai gu tuu de ssali ono dodo.

John 9:1

Gai ga seesee huu Iesu i dahi mommee, gai ia gu gidee dahi daane e dee gide mai i dono haanau.

John 9:21

Gai gimaau e dee iloo be dee hee dono hai ne gide ai nei, aabe goai ne haia ga gide ia. Goodou siilia ange gi de ia, ia gu se daane madua, gai gu maua donu e ia i de tala adu gi goodou!”

Acts 3:2

Gai e dahi daane ne balagelage mai i dono haanau gu sabaia mai ma gu hagadagodo i gaogao de haitoga o de temple i laangi alodahi. Deenei de haitoga e hagaingoo ange laa bolo go de Haitoga Mahamaha. Gai ia e noho ma e dangidangi i mee ngadi gaavange mai i daho dangada e ulu laa i de temple.

Acts 4:22

Go hiidinga taane ne ieiangi laa i ssauaa laa gu madahaa duumaa ono ngadau.