Luke 8:28 - De Beebaa Dabu

²⁸ Gai ga gidee huu e taane laa Iesu, gai ia ga oo ga hagabaguu gi lalo i ono mada i mua ga hai ange i de leo laumalie, “Iesu, Tama Daane a de Maadua Maolunga Mmao laa, se aha oou e lodo ai i ogu daha? Au e dangidangi adu koe gi dee hagammae ina ngau!”

Luke 8:28 Iomraidhean Croise

Isaiah 27:1

De laangi laa gai Tagi Maolunga e hagaduasala naa i dana gadilaasa hagamaatagu ma de laumalie aama de mmahi, de Leviathan, go de labodo e tolo laa, de Leviathan, go de labodo e haganigo laa; ia e daa naa ga magau de manu laumalie o de moana.

Matthew 8:29

Gai luu daane laa ne hevaalogi ga hai ange, “Ni aha oou e lodo ai i omaau daha, Tama Daane a de Maadua? Koe e humai naa e hagammae gimaau i mua de masavaa?”

Luke 8:27

Gai de masavaa o Iesu ne hanage ai gi uda, gai ia gu hedae ange gi dahi daane iai denga hagasaalunga baubau mai i de aduhale. Gai gu daulooloa dono dee gahu aama tee noho i lodo hale, aagai e noho i magavaa denga daanunga.

Luke 8:29

Go hiidinga Iesu ne hai ange gi denga hagasaalunga baubau laa gi ssao mai i daho taane laa. Gu lagolago hanonga a de hagasaalunga baubau ne hai ai gi de mahi ia, gai e dee galemu donu gu noonoa luoono vae ma luoono lima i daula baalanga ma de hagaloosi ange, aagai ia ga duuduu denga daula baalanga e nnoa ai laa ia, gai de hagasaalunga baubau ga kave ia gi de vao.

James 2:19

Koe e hagadonusia bolo e dahi donu huu Maadua; e danuaa. Denga hagasaalunga baubau e hagadonusia donu hogi ma de bolebole i delaadeu maatagu.

2 Peter 2:4

Gai noo de Maadua tee hagaola de gau de langi i de masavaa olaadeu ne haisala ai, aagai ne tili ange gilaadeu gi lo te ahi o Gehenna, ma de noonooa gilaadeu ga dugu i lo te geelonga gohu ga dae mai ai de masavaa hagamodu muna;

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.