Luke 8:25 - De Beebaa Dabu

²⁵ Ia ne hai ange hogi gi ana dangada agoago, “I hee ai oodou kai?” Gai gilaadeu gu llele mouli ma de maatagu ga hagataba i olaadeu magavaa, “Goai taane nei? Ia ne hagasee de madangi ma beau gai gilaau gu hagallongo ange gi de ia!”

Luke 8:25 Iomraidhean Croise

Proverbs 30:4

Goai gu hanage gi de langi ma gu ahe iho? Goai gu boogia de madangi i lodo luoono lima? Goai gu sabinia denga vai i dahi malo? Goai ne hagatuulia dege o henua i lalo? Goai dono ingoo, gai goai de ingoo o dana dama? Daalaa mai noo koe e iloo!

Proverbs 8:29

ma de masavaa aana ne hagamodu ai de ngaadonga o tai, gi dee hagahaisala ina ai e tai ana muna, ma de masavaa aana ne hagailonga ai denga dagelo o henua i lalo.

Matthew 14:31

De masavaa laa donu huu gai Iesu ga haalo ange dono lima ga poo Peter, ga hai ange gi de ia, “E damaa mee mmao doo gai. Gu aha gu lua lodo ai naa goe?”

Matthew 17:20

Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai! [

Matthew 6:30

Aagai noo de Maadua e hakahu danuaa denga helii i lo te duu malaelae, go mee e ssomo laa ailaa nei, gai daiao gu tili ange gi lo te ahi, aagai e dee kii ange naa donu dana hakahu goodou — goodou de gau vaaligiligi oodou kai?

Matthew 8:10

De masavaa huu a Iesu ne langona ai ana muna, gai ia gu lele ono mouli ga hai ange gi dangada e daudali ange laa i de ia, “Ni muna abodonu aagu e hai adu nei gi goodou, au tigi gidee dahi gai laumalie bee nei i magavaa o de gau Israel.

Matthew 8:26

Iesu ne hai ange gi gilaadeu, “Gu aha gu maatagu ai naa goodou? Oodou kai e vaaligiligi mmao!” Aagai ia ga hagasee de madangi ma de vai, gai gu malino ange hogi.

Mark 4:35

De laangi mau i de ahiahi, gai Iesu ne hai ange gi ana dangada agoago, “Gidaadeu ga hulo gi de baasi gee de vai.”

Luke 12:28

Aagai noo de Maadua e hakahu denga helii, e mouli laa ailaa nei i lo te duu malaelae, gai daiao gu tili ange gi lo te ahi, gai dee hee maa naa de kii ange dana lodo e hakahu goodou — goodou e vaaligiligi oodou kai!

Luke 8:24

Gai ana dangada agoago ga loomai ga hhango ange ia, ga hai ange, “Tangada Aamua, Tangada Aamua! Gidaadeu ga maakau nei!” Aagai Iesu ga alahage ga hagasee de madangi mmahi ma denga beau; gai gu malino.

Luke 8:26

Gai gilaadeu ne tau age i de henua o de gau Gerasene i de baasi laa o Galilee.

John 11:40

Iesu ne hai ange gi de ia, “Gu lava i dagu hai adu gi de goe, noo koe e hagadonusia gai koe e gidee donu de mahamaha o de Maadua!”