Luke 8:22 - De Beebaa Dabu

²² Dahi laangi gai Iesu ne gage i de boose madali ana dangada agoago, gai ia ga hai ange gi gilaadeu, “Gidaadeu ga hulo gi de baasi laa de vai.” Deelaa ai, gilaadeu ne dele ga hulo.

Luke 8:22 Iomraidhean Croise

Matthew 14:22

De masavaa laa donu huu gai Iesu ga hai ana dangada agoago gi kage i de boose, gi hulo i ono mada i mua gi de baasi gee o de vai, gai ia ga hai dangada gi hulo.

Matthew 8:18

Gai ga gidee huu e Iesu bolo gu kona de soa dangada i kilaa, gai ia ga hai ange gi ana dangada agoago gilaadeu ga hulo gi de baasi laa o de vai.

Mark 5:21

Gai de masavaa o Iesu ne gage ai i de boose e hano gi de baasi gee de vai, gai dangada soa ga hagabuni mai gi ono daha i gaogao de vai laa.

Mark 6:45

Gai Iesu ga hagamoolau ga hai ana dangada agoago, gi kage i de boose gi hulo i ono mada i mua, gi de mommee go Bethsaida i de baasi gee de vai, gai ia ne noho ga hai gi hulo dangada.

Mark 8:13

Gai ia ga hano gee mai i olaadeu daha, ga gage i de boose ga hano gi de baasi laa de vai.

Luke 5:1

Dahi laangi gai Iesu ne duu i gaogao de vai go Gennesaret, gai dangada gu hagakabi ia i delaadeu loomai e hagallongo muna a de Maadua,

Luke 8:23

Gai de masavaa olaadeu e dele ai ga hulo gai Iesu gu seni. Aagai gu dau de madangi mmahi i honga de vai laa, gai denga beau gu haohaoa mai lo te boose ma de hagamanavasaa.

Luke 8:33

Aagai denga hagasaalunga baubau laa ga ssao mai i daho taane laa ga hulo ga ulu gi lodo biigi laa. Gai de hagabuulingaa biigi laa ga saavini iho ga hulo gi lo te vai, gai gilaadeu gu odi i de maalemo.

John 6:1

Dua mee nei, gai Iesu ne hano gi de baasi gee de Vai o Galilee (e bei go Vai o Tiberias).

Acts 27:2

Gai gimaadeu ga kage i dahi vaga o Adramyttium, gu dai malanga laa e hano gi denga daulangaa o denga vaga i de ungaamee go Asia, gai gimaadeu ne dele ga hulo. Gai Aristarchus, dahi daane Macedonia mai i Thessalonica, ne hano madali gimaadeu.