Luke 8:11 - De Beebaa Dabu

¹¹ “Deenei de hagadoonunga o de mee hagasengasenga laa: denga golee laa go muna a de Maadua.

Luke 8:11 Iomraidhean Croise

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Matthew 13:18

“Goodou nnoho mai hagalaangona de hagadoonunga o de mee hagasengasenga o tangada e dooa golee.

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Mark 4:13

Gai Iesu ga hai ange gi gilaadeu, “Goodou tigi tonu ange naa donu gi de mee hagasengasenga nei? Gai dee hee ai naa doodou hai e tonu ange ai gi denga mee hagasengasenga alodahi?

Luke 8:12

Golee ne too ange laa gi gaogao de haiava, go dangada e langona laa muna nei; gai de ia hagabaubau laa ga humai ga kave gee muna laa i olaadeu lodo, gi dee hagadonusia ai e gilaadeu, gai gilaadeu gu hagamouli.

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.